დავით აღმაშენებლის ხეივნის მე-15 კილომეტრზე, მაღალაძეების ქუჩასთან არსებული სახიდე გადასასვლელის მიმდებარედ ინფრასტრუქტურული სამუშაოები იგეგმება. ინფორმაციას თბილისის მერია ავრცელებს.
„უსაფრთხოების მიზნით, 30 სექტემბრიდან სამი ღამის განმავლობაში, 00:00-დან 06:00 საათამდე პერიოდში, საავტომობილო მოძრაობა სრულად შეიზღუდება „თბილისი მოლიდან“ თბილისის შემოვლითი გზისა და თბილისი-სენაკი-ლესელიძის გზატკეცილის კვეთამდე არსებულ საგზაო მონაკვეთში.
შეზღუდვის პერიოდში, ავტომობილები გადაადგილებას შეძლებენ დავით აღმაშენებლის ხეივნიდან სხვიტორის ქუჩის, ე.წ. ზაჰესის ხიდის, ავჭალის ქუჩისა და თბილისის შემოვლითი გზის გამოყენებით“, - აცხადებენ თბილისის მერიაში.
თბილისის მერია ბოდიშს გიხდით შექმნილი დისკომფორტის გამო!
⭕ ასევე დაგაინტერესებთ:
⭕ერთი ფინჯანი ყავა $680-ად - სად იყიდება მსოფლიოში ყველაზე ძვირად ღირებული ყავა?
🎥 სოსისები, ძეხვები, “ნაგეთსები” - როგორ მივხვდეთ, რომელია უსაფრთხო? - ირაკლი არაბულის რჩევები
⭕ „კაშკაშებ...“ - თაკო ჩხეიძის ახალი კადრები სოცქსელს იპყრობს
