ავსტრალიის ღია პირველობის საკვალიფიკაციო ეტაპზე ნიკოლოზ ბასილაშვილის პირველი მეტოქე 16 წლის კრუზ ჰიუიტი იქნება.
ქართველი ჩოგბურთელი ავსტრალიელს 7 იანვარს შეხვდება. კრუზ ჰიუიტი ლეგენდარული ჩოგბურთელის, ლეიტონ ჰიუიტის ვაჟია, ამჟამად მსოფლიო რეიტინგში 1265-ე ადგილზეა და დიდი სლემის ტურნირზე ე.წ. ველური ბარათით მოხვდა.
რაც შეეხება ნიკოლოზ ბასილაშვილს, ქართველმა 2024 წელი მსოფლიო კლასიფიკაციაში 208-ე ადგილზე დაასრულა და 2025 წლის სლემის პირველ ტურნირზე საკვალიფიკაციო ეტაპზე მონაწილეობის უფლებაც მიიღო. ძირითად ბადეში მოსახვედრად მას სამი მატჩის მოგება სჭირდება.
ჰიუიტის დამარცხების შემთხვევაში ნიკოლოზი რუს კაჩმაზოვსა და ფრანგ ვან აშეს შორის გამარჯვებულს დაუპირისპირდება.
ასევე დაგაინტერესებთ:
