რამდენიმე თვეა აქტიურად იწერება, რომ „ნაპოლისა“ და საქართველოს ნაკრების შემტევის ხვიჩა კვარაცხელიას შეძენით პსჟ ინტერესდება. ყველაფერი ევროპის ჩემპიონატის შემდეგ უნდა გადაწყვეტილიყო.
პსჟ-მ „ნაპოლის“ კვარას თაობაზე რამდენიმე სარფიანი შეთავაზება გაუკეთა. სატრანსფერო თანხა 100 მილიოზე მეტი იყო, ანაზღაურება კი დაახლოებით 10 მილიონი. პარიზელები მას მბაპეს მთავარ შემცვლელად მოიაზრებდნენ.
მიუხედავად პსჟ-ს ბევრი მცდელობისა და იმის მიუხედავადაც, რომ კვარაცხელიას მხარე მზად იყო პსჟ-ში გადასასვლელად, „ნაპოლის“ თავისი პოზიცია და გეგმები აქვს.
კლუბის ხელმძღვანელობამ და ახალმა მთავარმა მწვრთნელმა ანტონიო კონტემ „პსჟ“ უარით გაისტუმრა და კვარაცხელია დაიტოვა. ხვიჩას „ნაპოლისთან“ კონტრაქტი 2027 წლამდე აკავშირებს. შესაბამისად, პსჟ-მ სხვა ფეხბურთელის ძიება დაიწყო. კლუბის პრეზიდენტი ალ-ხელაიფი მომდევნო კვირაში რენის 19 წლის შემტევის, დეზირე დუეს ოჯახს ხვდება.
როგორც ცნობილია, დუეს სანაცვლოდ „პსჟ“ 60 მილიონის გადახდას აპირებს და პარიზელთა სამომავლო პროექტის ერთ-ერთი მნიშვნელოვანი ფიგურა გახდება. გასულ სეზონში დეზირე დუემ 4 გოლი გაიტანა და 4 საგოლე გადაცემა მიითვალა.
რაც შეეხება კვარაცხელიას, ის უკვე „ნეაპოლშია“, გუნდთან ერთად ვარჯიშს ხვალ დაიწყებს და ახალ კონტრაქტზე მოლაპარაკებებს განაახლებს.
⭕ ასევე დაგაინტერესებთ:
🎥 „ვაიმე არავინ უახლოვდება, რომ ჩაერიოს“ - ქალზე ძალადობა ქუჩაში - ექსპერიმენტი
წყარო: lagazzetta.ge
