ბოლო წელიწად ნახევარი უსინათლო მომღერლისთვის განსაკუთრებით რთული იყო, რადგან 2023 წლის 20 მაისს გარდაიცვალა დიანა ღურწკაიას საყვარელი მეუღლე, პეტრე კუჩერენკო. მიუხედავად იმისა, რომ ტრაგედიიდან უკვე წლები, მომღერალი ვერ ეგუება დანაკარგს.
მომღერალი, რომელიც წლებია ეკრანზე არ გამოჩენილა დიდხნიანი პაუზის შემდეგ გადაცემაში „ნოესთან“ იყო სტუმრად, სადაც ბევრ მნიშვნელოვან თემაზე ისაუბრა, ერთ-ერთი კი სწორედ მისი გარდაცვლილი მეუღლე იყო.
„ძალიან ბედნიერი ვიყავი, მეგონა ჩემ ცხოვრებას ვერაფერი და არაფერი შეეხებოდა, ერთ დღეს კი ისე მოხდა ეს ცხოვრების ღერძი დატრიალდა და სულ სხვა ცხოვრება შეიქმნა ჩემს გარშემო. ვერ ვიტყვი, რომ ეს გადავიტანე, ამასთან ვცხოვრობ.
არ მაქვს უფლება ვიცხოვრო სხვანაირად, რადგან მეზრდება შვილი, არ მაქვს უფლება გავტყდე.
როცა ჩემი მეუღლე გარდაიცვალა იმ დღეს ვემზადებოდი ერთ-ერთი პროექტისთვის, რა დროსაც ტელეფონიდან გავიგე, რომ ეს საშინელება დამატყდა თავს. არავის ვუსურვებ ამ გრძნობას, მტერსაც კი...
ძალიან დიდი დრო დამჭირდა მეთქვა ჩემი თავისთვის: ადექი და წადი“ - ამბობს დიანა ღურწკაია.
⭕ ასევე დაგაინტერესებთ:
