შიდა ქართლის მხარეში, ქარელის მუნიციპალიტეტში მდებარე ძამას ხეობაში ავტომობილი, რომელსაც ექსკურსიაზე მიმავალი ადამიანები გადაჰყავდა, სავალი გზის ნაწილიდან გადავარდა. შემთხვევის შედეგად დაშავდა 6 ადამიანი, მათ შორის 4 ბავშვია.
ინფორმაციას ადგილობრივი გამოცემა „ქართლის ამბები“ ავრცელებს.
ავტოსაგზაო შემთხვევა გვერძინეთი-ტყემლოვანის მონაკვეთზე მოხდა.
„ექვსი პირი იყო დაშავებული, მათ შორის, 4 ბავშვი. ნაწილი გაეწერა, ორი ისევ აგრძელებს მკურნალობას“, - განუცხადეს გამოცემას ადგილობრივ საავადმყოფოში.
მომხდარზე გამოძიება სსსკ-ის 276-ე მუხლის მეორე ნაწილით მიმდინარეობს, რაც მოძრაობის წესების დარღვევას გულისხმობს, რამაც სხეულის ნაკლებად მძიმე დაზიანება გამოიწვია.
ასევე დაგაინტერესებთ:
🎥 „ის დაბადების დღე თენდება, რომელზედაც მთელი 26 წელი ვოცნებობდი“ - ბარბარა სამხარაძე იუბილარია
