საქართველოს ფეხბურთის ეროვნული ნაკრების მთავარმა მწვრთნელმა რამაზ სვანაძემ შემადგენლობა შეკრიბა და ერთა ლიგის დასკვნითი მატჩებისთვის მზადება დაიწყო, ამასთან მანდ ნაკრებში ერთი მოთამაშე დაამატა.
ეროვნულ გუნდში გამოძახებული 26 ფეხბურთელიდან პირველ დღეს მიხეილ მესხის სტადიონის სათადარიგო მოედანზე 16-მა ფეხბურთელმა ივარჯიშა.
ნაკრების მთავარმა მწვრთნელმა მოახლოებული მატჩებისთვის გუნდში კიდევ ერთი მოთამაშე მიიწვია – უნგრეთთან და უკრაინასთან მატჩებისთვის მოსამზადებლად საქართველოს ნაკრებს უკრაინული „კოლოსის“ საყრდენი ნახევარმცველი ნიკა გაგნიძე შეუერთდება.
გუნდს 10 ნოემბრიდან დაემატებიან გიორგი მამარდაშვილი, საბა საზონოვი, ივა გელაშვილი, ირაკლი აზაროვი, საბა გოგლიჩიძე, ანზორ მექვაბიშვილი, გიორგი ქოჩორაშვილი, გიორგი წიტაიშვილი, გიორგი მიქაუტაძე და ბუდუ ზივზივაძე.
⭕ ასევე დაგაინტერესებთ:
🎥 „სცენაზე როგორ ავედი ისიც არ მახსოვს...“ - ვინ არის „მასწავლებლის ეროვნული ჯილდოს“ მფლობელი?
წყარო: 1tv.ge
