პარლამენტის ყოფილი წევრი ენძელა მაჭავარიანი საზოგადოებისთვის კარგად ნაცნობი ფიგურაა. მას სხვადასხვა გადაცემებში ხშირად იწვევენ, სადაც პროფესიით ჟურნალისტი ენძელა სხვადასხვა თემებზე საუბრობს.
ამჯერად, „ქართული ოცნების“ ყოფილი დეპუტატი გადაცემის „დღის პოსტის“ სტუმარი იყო, სადაც მან ქალის როლსა და სიძლიერეზე ისაუბრა.
„როდესაც ხარ ქალი, უკვე ძლიერი ხარ. ხარ უფლის შემოქმედება, ადამიანი, გაქვს მოვალეობები. დიდი მნიშვნელობა აქვს როგორ გამოიყენებ ყველანაირ სიძლიერეს და სისუსტეს.
როგორც შემიძლია ვცდილობ მივყვე ცხოვრების რიტმს, ვიცხოვრო ისე, რომ გუშინ თუ ერთი მარცვალი მოვიყვანე, ხვალ ორი მოვიყვანო.
ერთი განათლებული ქალი უდრის მინიმუმ იმდენ ადამიანს, რამდენ ბავშვსაც გააჩენს… უნდა ვიბრძოლოთ რომ ვიცხოვროთ უკეთეს სამყაროში, ქვეყანაში, გალაქტიკაში.
რაც უფრო განათლებულები ვიქნებით უფრო მეტად შევძლებთ დავალაგოთ ურთიერთობები და მოვაგვაროთ პრობლემები. ერთი წაკითხული წიგნი გვხდის უკეთესს“, - ამბობს ენძელა მაჭავარიანი.
აგრეთვე დაგაინტერესებთ:
