ბენდელიანების ოჯახი ხუთი წელი შვილის მოლოდინში გახლდათ. მათ არაერთ ექიმსა და მკურნალობის გზას მიმართეს, თუმცა საბოლოო სასწაული მაშინ მოხდა, როდესაც წყვილი წაჩხურობის დღესასწაულზე ტაძარში მივიდა და უფალს შვილი შეავედრა. ერთი წლის თავზე მათ ვაჟი ეყოლათ. ამჟამად ნიკა და სალო ბენდელიანებს ორი შვილი ჰყავთ. მათი ისტორიით გადაცემაში „შუადღე“ დაინტერესდნენ და სიუჟეტიც მოამზადეს;
„ჩემთვის ძალიან ემოციურია და ხშირად ვათვალიერებ ხოლმე ამ დღის ფოტოებს. ამ გზას ძალიან დიდი იმედით დავადექით. მთელ საქართველოში ყველა ექიმთან ვიყავით თითქმის. ცხოვრებაში არ დამავიწყდება ერთი ექიმის სიტყვები - აზრი არ აქვსო. არ დავნებებულვართ. მკურნალობითაც ბევრი ვიმკურნალეთ მაგრამ საბოლოოდ აინ ღმერთამდე მიდის გზა. ეს იყო მსოფლიოს მერვე საოცრება პირადად ჩემთვის. ყველა ჩვენ შემოგვცქეროდა შემდეგ წელს რომ ავედით ვაჩესთან ერთად. ერთგვარი იმედის ნაპერწკალი იყო“, - აღნიშნა ნიკა ბენდელიანმა.
ასევე დაგაინტერესებთ:
🎥 რა შეემთხვა ხათუნა ხოფერიას წმინდა მიწაზე - „ისრაელში ძლივს გადავრჩი...“
🎥 „ეთამაშე შაზამს“ - „იმედის“ ეთერში 25 აპრილიდან აზარტული, ენერგიული, სახალხო პროექტი იწყება
