84 წლის ასაკში გარდაიცვალა „სუხიშვილების“ მოცეკვავე, საქართველოს სახალხო არტისტი, თენგიზ სუხიშვილის მეუღლე და ნინო და ილიკო სუხიშვილების დედა ინგა თევზაძე.
ამის შესახებ ინფორმაციას სოციალურ ქსელში ანსამბლის ოფიციალური გვერდი „სუხიშვილები“ ავრცელებს.
„ჩვენს დიდ ოჯახს გამორჩეული წევრი გამოაკლდა - საქართველოს სახალხო არტისტი, ანსამბლის ბალეტმაისტერი - ქალბატონი ინგა თევზაძე
ინგა თევზაძის სილამაზე მხოლოდ მის გარეგნობაში არ გამოიხატებოდა: მისი კეთილშობილება, სიბრძნე, დახვეწილობა ყველას აჯადოებდა. ასეთი ადამიანები უხმაუროდ ტოვებენ დიდ კვალს და რჩებიან ჩვენს გულებში, მეხსიერებაში და ანსამბლის ისტორიაში.
ვუსამძიმრებთ ნინო და ილიკო სუხიშვილებს დედის გარდაცვალების გამო; ასევე ახლობლებს და მის მთავარ ოჯახს - ქართულ ნაციონალურ ბალეტს.
ნათელში იყოს მისი სული.
---
პანაშვიდი: 25 და 26 დეკემბერი, 17:00სთ-დან
დაკრძალვა: შაბათს, 27 დეკემბერს 14:00სთ
მისამართი: ი. აბაშიძის ქუჩა 21“, - ვკითხულობთ გავრცელებულ პოსტში.
⭕ ასევე დაგაინტერესებთ:
⭕„არ გირჩევთ ახალი საქმეების წამოწყებას“ - დღის მეტაფიზიკური პროგნოზი
