ქართული ლიტერატურის მკვლევარი, ფილოლოგიის დოქტორი და ესეისტი გია მურღულია სოციალურ ქსელში მორიგ საინტერესო, შთამაგონებელ, ცხოვრებისეულ პოსტს აქვეყნებს, სადაც ხაზს უსვამს, რომ სხვისთვის სიხარულის მინიჭება ადამიანის ერთ-ერთ უმაღლეს და ყველაზე მარტივ ღირებულებად რჩება.
„რა შეიძლება იყოს იმაზე უკეთესი განცდა, ვიდრე ის, სხვას რომ სიხარულს ანიჭებ?
ეს რომ დახატო, ორი სულის ნათება გამოვა - გამხარებლისა და გახარებულის.
სული რომ ანათებს, მასში დრო და მარადისობა ერთად ბრწყინავს.
სადაც ორს უხარია, იქ ღმერთსაც უხარია - ამ დროს ის ხედავს, რომ შვილები მამას დაემსგავსნენ.
გაეცი, თუნდაც სანაცვლოდ არაფერი მიიღო - განა სულის სინათლე „არაფერია“?
ეს ადამიანად ყოფნის ყველაზე მარტივი პრინციპია - რაც ანათებს, სინათლისგან არის“,- წერს გია მურღულია.
ასევე დაგაინტერესებთ:
⭕„ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება
