36 წლის ქალის მკვლელობისთვის დაკავებული 22 წლის ბიჭია. გავრცელებული ინფორმაციით, ისინი ქირით, ერთმანეთის გვერდით იტალიურ ეზოში ცხოვრობდნენ. დაპირისპირება მათ შორის, სავარაუდოდ, ეჭვიანობის ნიადაგზე მოხდა და არაფხიზელ მდგომარეობაში მყოფმა 22 წლის ბიჭმა ქალს ცივი იარაღით რამდენიმე ჭრილობა მიაყენა. ქალი ადგილზე გარდაიცვალა, ბიჭი კი მიიმალა.
„გოგო იყო ახალგაზრდა, სტუდენტი და შეყვარებულმა მოკლა. მიზეზი არ ვიცით. არც ხმა გამოდიოდა. ქირით ცხოვრობდნენ, მაგრამ გოგოები თუ იყვნენ, ეგეც არ ვიცოდით“, - აცხადებენ მეზობლები.
ცხედარი პროზექტურაშია გადასვენებული. 22 წლის ბიჭს კი ბრალს, სავარაუდოდ, დღის ბოლოს წაუყენებენ.
შსს-ს ცნობით, გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.
ბრალის დამტკიცების შემთხვევაში დაკავებულს 16 წლამდე პატიმრობა ემუქრება.
ასევე დაგაინტერესებთ👇
🎥 +18 „რუსებს სიგარეტზე უარი ვუთხარით და აი, ხოდი“ - რუსებმა ქართველ გოგოებს აგინეს
