მოდელი და ტელეწამყვანი ლიკა კვარაცხელია 9 ნოემბერს იუბილარი იყო, იგი 44 წლის გახდა. მან დაბადების დღე მეგობრების, ოჯახის წევრების და კოლეგების გარემოცვაში აღნიშნა.
ახლა კი მოდელმა OK! Magazine Georgia-თან ინტერვიუ ჩაწერა, სადაც დევნილობაზე ისაუბრა:
„მე დღემდე იძულებით გადაადგილებული პირის სტატუსი მაქვს. რა თქმა უნდა, რთულია იყო დევნილი. ვფიქრობ, იმ დროს ხალხი ვერ იაზრებდა, თუ რა მოხდა. როდესაც იგებდნენ, რომ დევნილი ვიყავი, ჩვენივე თანამოქალაქეები ისე მიყურებდნენ, თითქოს მთვარიდან ჩამოვედი. მაგრამ მაინც მგონია, ეს იმიტომ ხდებოდა, რომ ხალხმა არ იცოდა, რეალურად რა მოხდა, როგორ მოხდა, რატომ ან რისთვის. არაერთხელ მომიწია სკოლის შეცვლა თანაკლასელების დამოკიდებულების გამო. თუმცა ძალიან ბევრი კეთილი ადამიანიც იყო ჩვენ გარშემო, ვინც უანგაროდ გამოგვიწოდა დახმარების ხელი. შესაბამისად, ცუდი არაფერი მახსენდება იმ პერიოდიდან, ყოველ შემთხვევაში, ბევრი რამ ამოვშალე მეხსიერებიდან“, - ამბობს ლიკა კვარაცხელია.
ასევე დაგაინტერესებთ:
🎥 „ოპერაციიდან 30 დღე გავიდა...“ - ლილიანას საოცარი გარდასახვა
