ჯემალ ჭკუასელმა და მისმა „ერისიონმა“ წარუშლელი კვალი დატოვა მსოფლიო ფოლკლორის ისტორიაში. სულხან საბას განმარტებით, „ერისიონი“ ცისიერი მთის მაღლა სივრცეს ნიშნავს.
ანსამბლ „ერისიონის“ სამხატვრო ხელმძღვანელი შერმადინ ჭკუასელი გადაცემის „ჩემი საქართველო“ სტუმარი იყო, სადაც მამაზე ისაუბრა:
„მამა იყო ძალზე ხალასი პიროვნება, სიცოცხლით სავსე ადამიანი, კაცი, რომელსაც სატირლად რომ გქონოდა საქმე, იქაც გაგაცინებდა და ამით იმ სტრესს მოგიხსნიდა. ამ დროს თავად იყო დატვირთული ძალიან ბევრი აზრებით, ფიქრებით, მაგრამ ამას შენ თავზე არ მოგახვევდა.
იყო ძალიან თბილი, მოსიყვარულე, მაგრამ ამავე დროს უმკაცრესი სამსახურში. სამსახურის „ღალატს“ არავის აპატიებდა, არც მე, არც ჩემს დას, არც შინაურს და არც გარეულს.
ჩვენ მის საქმეს ვაგრძელებთ როგორც შეგვიძლია“, - ამბობს შერმადინ ჭკუასელი.
ასევე დაგაინტერესებთ:
🎥 „იონას პირველი ზიარება“ - თამუნა ამონაშვილი შვილის ახალ კადრებს გვიზიარებს
