ანტონიო კონტემ პრესკონფერენციაზე ხვიჩა კვარაცხელიაზე ისაუბრა. 54 წლის იტალიელმა სპეციალისტმა, კიდევ ერთხელ დაადასტურა, რომ ხვიჩა კვარაცხელია ხელშეუხებელია და იგი „ნაპოლიში“ 100% დარჩება.
„კლუბის პრეზიდენტმა, კიდევ ერთხელ დამიდასტურა, რომ ხვიჩა „ნაპოლიში“ აუცილებლად დარჩება, რითაც ძალიან ბედნიერი ვარ. იგი და დი ლორენცო იმ პროექტის ნაწილები არიან, რომელიც ამ ზაფხულს დავიწყეთ“, - განაცხადა ანტონიო კონტემ.
იმის მიუხედავად, რომ ხვიჩა „ნაპოლის“ დატოვებას სერიოზულად განიხილავს, კლუბის პოზიცია უცვლელია - „კვარა არ იყიდება!“ ამასობაში „პარტენოპეი“ ქართველს ფეხბურთელს ახალ გაუმჯობესებულ კონტრაქტს სთავაზობს. მხარეები შეთანხმებასთან ახლოს არ არიან, თუმცა კლუბში სჯერათ, რომ 23 წლის ფეხბურთელი, ახალ ხელშეკრულებას აუცილებლად გააფორმებს. ხვიჩას „ნაპოლისთან“ არსებული კონტრაქტი 2027 წლამდე აკავშირებს.
⭕ ასევე დაგაინტერესებთ:
წყარო: lagazzetta.ge
