Digest Logo

ლუის ენრიკე - „მიუხედავად იმისა, რომ კვარაცხელია ახალგაზრდაა, უდიდესი გამოცდილება აქვს და მისი თამაშით აღფრთოვანებული ვარ“

1746537371
ლუის ენრიკე

ლონდონის „არსენალთან“ ჩემპიონთა ლიგის ნახევარფინალური ეტაპი განმეორებითი მატჩის წინ გამართულ პრესკონფერენციაზე პსჟ-ს მთავარმა მწვრთნელმა, ლუის ენრიკემ ხვიჩა კვარაცხელიას შესახებ ისაუბრა.

ენრიკეს თქმით, ქართველი ფეხბურთელის თამაშით აღფრთოვანებულია და მას ასაკის მიუხედავად, დიდი გამოცდილება აქვს.

„მის დამატებას რამდენიმე წლის წინაც ვცდილობდით, თუმცა არ გამოგვივიდა. მიუხედავად იმისა, რომ ახალგაზრდაა, უდიდესი გამოცდილება აქვს და მისი თამაშით აღფრთოვანებული ვარ.

როდესაც ქვეყანას იცვლი, სირთულეებს აწყდები, ადაპტაციის პროცესი მისთვის ადვილი არ იყო, მაგრამ ის გონებაგახსნილი ადამიანია. იგი ახლა ყველა მატჩში იღებს მონაწილეობას. მისით ძალიან კმაყოფილი ვარ“, – აღნიშნა ენრიკემ.

შეგახსენებთ, რომ „პსჟ“-სა და „არსენალის“ პირველი ნახევარფინალური მატჩი ლონდონში 1:0 ფრანგების გამარჯვებით დასრულდა. უსმან დემბელემ გოლი ხვიჩა კვარაცხელიას გადაცემით გაიტანა. განმეორებითი მატჩი 7 მაისს პარიზში ჩატარდება.

⭕ ასევე დაგაინტერესებთ:

⭕რა ნეგატიური მოვლენებია მოსალოდნელი მაისში და როგორ ცვლილებებს შეიტანს ის ადამიანების ცხოვრებაში? - მიხეილ ცაგარელის ასტროპროგნოზი

🎥 საქართველოს ეროვნული სიმფონიური ორკესტრი სამძიმრის წერილს აქვეყნებს

🎥 იუსტიციის სამინისტრო გარდაცვლილ ბრალდებულ ი.გ.-სთან დაკავშირებით ვიდეომასალას ასაჯაროებს

წყარო: 1tv.ge