Digest Logo

„მათემატიკოსი ჩამოვიდა ზარზმაში, ბერად აღიკვეცა და სოფლის სკოლაში დაიწყო სწავლება. აკადემიის 38-ივე მოსწავლე კომაროვში ჩაირიცხა“ - რა ისტორია ვრცელდება სოციალურ ქსელში

1696424843
ზარზმელი ბერი ადიგენი

სოციალურ ქსელში ფეისბუკმომხმარებელი მაგდა ბობოხიძე „ზარზმის აკადემიაში“ მოღვაწე მათემატიკის მასწავლებელზე ემოციურ ამბავს წერს, რომელიც ბერად აღკვეცილი პირია და თან საგანმანათლებლო საქმესაც წარმატებით უძღვება.

როგორც ამ პოსტიდან ირკვევა, „ზარზმის აკადემიაში“ მათემატიკა გაძლიერებულად ისწავლება და მოსწავლეები ათობით კილომეტრსაც კი გადიან დღეში, ცოდნის მისაღებად.

„ერთი ამბავი უნდა იცოდეთ, ძალიან მნიშვნელოვანი, კარგი და აღმაფრთოვანებელი:

ადიგენში, სოფელი ზარზმის სკოლაში, არის "ზარზმის აკადემია", რომელშიც ძალიან, ძალიან, ძალიან კარგად და გაძლიერებულად ისწავლება მათემატიკა.

ბავშვები მოჰყავთ მთელი რეგიონიდან; მაგალითად, ერთი ბიჭი, კვირაში 3-ჯერ, 55 კილომეტრით დაშორებული სოფლიდან მოდის ზარზმაში, გაკვეთილისთვის გადის 110 კილომეტრს.

ისტორია არის ასეთი: მათემატიკოსი ჩამოვიდა ზარზმაში და გადაწყვიტა ბერად აღკვეცა, ასეც მოიქცა. მერე სოფელში დაიწყო მათემატიკის სწავლება, იმდენი მოახერხა, რომ "ზარზმის აკადემიის" 38-მა მოსწავლემ ჩააბარა კომაროვის გამოცდები და კომაროვში გააგრძელა სწავლა.

"რაღაც პერიოდის მერე ვცდილობთ ინგლისურად მოვიტანოთ ამოცანები, რომ ბავშვები ამ ენასაც შეეჩვივნონო"

რისი აღწერაც რთულია, არის ემოციური ნაწილი: როგორი გადამდები ენთუზიაზმი და მონდომება იგრძნობა მასწავლებლის და მოსწავლეების მხრიდან.

ახლა ცდილობენ აკადემიაში დაამატონ ინგლისური და ეკონომიკა. ეძებენ დაფინანსებას.

იმედი მაქვს, რომ ყველაფერი გამოუვათ და იმედი მაქვს, რომ მათი მაგალითი მოტივაციის მომტანი იქნება სხვებისთვისაც.

სიახლეებს გავიგებ ხოლმე და გაგაგებინებთ“, - წერს მაგდა ბობოხიძე სოციალურ ქსელში.

აგრეთვე დაგაინტერესებთ:

🎥 „სკოლის დერეფანში რომ გაიაროს წითელით დაინფიცირებულმა ბავშვმა ყველას გადადებს“ - ზაზა თელია მშობლებს რეკომენდაციებს უზიარებს

🔵 „ნაპოლი“ ჩემპიონთა ლიგაზე „რეალთან“ დამარცხდა

🔵 „ერთხელ საუკეთესო პერანგი იმიტომაც გადავაგდე, რომ შიგნით, სრულიად შეუმჩნეველ ადგილას, პატარა ნარღვევი დავლანდე“ - რას წერს გიორგი კეკელიძე