მეტეოროლოგი კობა ფარტენაძე სოციალურ ქსელში მომდევნო დღეების ამინდის პროგნოზს გვიზიარებს და მოსახლეობას მოსალოდნელი მაღალი სიცხის შესახებ აფრთხილებს:
„მომდევნო დღეების ამინდზე სუბტროპიკული ანტიციკლონი მოახდენს დიდ გავლენას, ამიტომ სიცხე „რეალური“ იქნება.
კვირის განმავლობაში +30 გრადუსზე მეტი ტემპერატურაა პროგნოზირებული.
სიცხის ტალღა კულმინაციას ხუთშაბათს - პარასკევს, 10-11 ივლისს მიაღწევს. გათვლებით, ტემპერატურამ შესაძლოა დასავლეთის დაბლობზე +36…+38 გრადუსს მიაღწიოს, აღმოსავლეთის ბარში +32…+34 გრადუსი დაფიქსირდება, ხოლო სანაპირო კურორტებზე +33…+35 გრადუსი.
ასე, რომ უახლოეს დღეებში ამინდი ცხელი და ძირითადად მშრალი იქნება, მხოლოდ მთიან ზონაში შესაძლოა ლოკალიზდეს ხანმოკლე წვიმა და ჭექა-ქუხილი.
ასევე გაითვალისწინეთ, მზის ძალიან მაღალი აქტივობა და დამცავი საშუალებების გარეშე მოერიდეთ მზის სხივების ქვეშ ხანგრძლივად ყოფნას“, - წერს კობა ფარტენაძე.
⭕ ასევე დაგაინტერესებთ:
🎥 რატომ აქვს ადამიანს აზროვნების უნარი და თავისუფლება? - დეკანოზ თეოდორე გიგნაძის განმარტება
🎥 „თათული, რომელიც მთელ საქართველოს უყვარს თურმე ცხვირწინ მყოლია“ - რას წერს მაკა ზამბახიძე
