ცოტა ხნის წინ საგარეჯოში კაცმა მეუღლე და ორი ახალგაზრდა მოკლა. როგორც ირკვევა ბრალდებულის ცოლი ფიქრია ტუგულაშვილი იყო, რომელსაც ორი მცირეწლოვანი შვილი დარჩა. სამი ადამიანის განზრახ მკვლელობაში ბრალდებული კი ზვიად ზურაბაშვილია, რომელმაც სასამართლო პროცესზე განაცხადა, რომ შანსის ქონის შემთხვევაში მათ თავიდან მოკლავდა.
ჯერჯერობით მკვლელობასთან დაკავშირებით დაზუსტებული დეტალები ცნობილი არ არის, თუმცა თავად ზურაბაშვილმა თქვა, რომ ცოლმა და მისმა ორმა მეგობარმა ერთმანეთთან ურთიერთობა დაიჭირეს.
ambebi.ge-მ მოკლული ქალის დედასთან, მაია ზათიაშვილთან ინტერვიუ ჩაწერა, რომელსაც დაიჯესტი გთავაზობთ:
„როგორ უნდა ვიცხოვრო ამ ტკივილით. შვილი ასეთი სისასტიკით მოგვიკლა და კიდევ ვისმენთ მის ცრუ ბრალდებებს. ჟურნალისტები მის გამაოგნებელ ცრუ ბრალდებას ავრცელებენ და არავინ კითხულობს ჩემი შვილის ამბავს. მოვიდნენ სოფელში, ნებისმიერ ადამიანს ჰკითხონ, როგორი შვილი მყავდა. ასეთ ცილს როგორ სწამებს ის გარეწარი ჩემს შვილს.
ფიქრია ძალიან გულჩათხრობილი გოგო იყო, არ უყვარდა ჩვენთან საუბარი იმაზე, თუ რა პრობლემები ჰქონდა ოჯახში. დიდხანს მალავდა ამ ამბავს. არც კი ვიცოდით ასეთი ავადმყოფის გვერდით რომ ცხოვრობდა. მკვლელი ისე გვაჩვენებდა თავს, თითქოს საუკეთესო იყო. რა დღეში იყო ფიქრია, ეს გავიგეთ პირველად მაშინ, როცა ქმარმა დაჭრა. მაშინ სასწაულად გადარჩა. ამის შემდეგ აღიარა ჩემმა შვილმა ჩვენთან, რომ საშინელი, ეჭვიანი ქმარი ჰყავდა. მუდმივად ტერორის ქვეშ უწევდა ცხოვრება. ეზოში რომ ჩასულიყო ან მაღაზიაში მესიჯი უნდა მიეწერა მისთვის და ნებართვა უნდა აეღო. ეტყოდა თურმე ფიქრიას სამუშაოდ მივდივარო, ან სოფელში მივდივარო და სინამდვილეში იჯდა სადარბაზოსთან და „ზვერავდა“ ჩემს შვილს.
ვიდრე ბინას შეიძენდნენ, ნაქირავებში ცხოვრობდნენ, თურმე იმ ბინაში კამერები დაუყენა და ისე აკონტროლებდა. ყველაფერი, ყველა ნაბიჯი მას უნდა სცოდნოდა. სულ მოკვლით ემუქრებოდა. უსაფუძვლოდ შეეძლო ეეჭვიანა. თურმე ეუბნებოდა, ახლა სასაფლაოზე შენი „რეშოტკა“ უნდა იღებებოდესო. ეს, რაც მიამბო ჩემმა შვილმა, დარწმუნებული ვარ, ბევრ რამეს არც ჰყვებოდა“, - ამბობს მაია ზათიაშვილი.
ასევე დაგაინტერესებთ:
🎥 „უსაყვარლესი და მისაბაძი ოჯახი“ - გენო პეტრიაშვილი ულამაზეს მეუღლესთან და შვილებთან ერთად
⭕„საზოგადოებას ამ ეპოქაში სერიოზულად ტანჯავს გაუნათლებლობა...“- რას წერს გიორგი ლობჯანიძე?
⭕„ძალიან მენატრები და სულ მჭირდები“ - ნინი შერმადინი გარდაცვლილ დედას დაბადების დღეს ულოცავს
წყარო: www.ambebi.ge
