თელავში 8 თვის ორსული ქალი გარდაიცვალა. არსებული ინფორმაციით, დაიღუპა ნაყოფიც.
ინფორმაციას ადგილობრივი მედია ავრცელებს.
გარდაცვლილის მეგობრები ვარაუდობენ, რომ მიზეზი სისხლძარღვებში წარმოქმნილი თრომბი გახდა.
მათივე თქმით, ორსულს ჯანმრთელობის პრობლემები ჰქონდა და ექიმის მეთვალყურეობის ქვეშ იმყოფებოდა.
„ბოლო პერიოდში მკურნალობდა კიდეც, თუმცა თრომბი მაინც განვითარდა. სახლში იყო და შეტევა სწორედ იმ დროს დაეწყო“,- ამბობს გარდაცვლილის ერთ-ერთი ახლობელი.
არსებული ინფორმაციით, შემთხვევის დროს სასწრაფო-სამედიცინო დახმარებაც გამოიძახეს, თუმცა ექიმებს ქალი უკვე გარდაცვლილი დახვდათ.
კლინიკაში, სადაც ორსული სამედიცინო აღრიცხვაზე იმყოფებოდა, ამ დროისთვის კომენტარი არ გაუკეთებიათ.
⭕ ასევე დაგაინტერესებთ:
⭕„ჩნდება ახალი შესაძლებლობები...“ - როგორ გავააქტიუროთ 11 მარტის ენერგია
