ხაშურთან, ოზურგეთი-თბილისის მიმართულებით მოძრავი მატარებლის ერთ-ერთ ვაგონში, ხანძარი გაჩნდა.
სოციალურ მედიაში გავრცელებული ვიდეოებიდან ჩანს ძლიერი დაკვამლიანება.
მომხდარის შესახებ „საქართველოს რკინიგზა“ ინფორმაციას ავრცელებს.
მათი ცნობით, არავინ დაშავებულა.
„გომი-აგარას გადასარბენზე, ოზურგეთი-თბილისის მიმართულებით მოძრავი მატარებლის ერთ-ერთ ვაგონში, მოხდა დაკვამლიანება. შემთხვევის შედეგად არავინ დაშავებულა, მგზავრების ევაკუაცია განხორციელდა დროულად და ამ წუთებში საქართველოს რკინიგზა მგზავრების ალტერნატიული ტრანსპორტით გადაყვანაზე მუშაობს, გზაშია დამატებითი მატარებელი. გამომწვევი მიზეზის დადგენის მიზნით მიმდინარეობს მოკვლევა“ , - წერია გავრცელებულ ინფორმაციაში.
⭕ ასევე დაგაინტერესებთ:
