„კავკასიის უნივერსიტეტი“ სოციალურ ქსელში სამწუხარო ინფორმაციას ავრცელებს, როგორც სამძიმრის წერილში ვკითხულობთ გარდაიცვალა პროფესორი და მათემატიკის კათედრის ხელმძღვანელი, ღირსების ორდენის კავალერი ნუგზარ სხირტლაძე.
„კავკასიის უნივერსიტეტი ღრმა მწუხარებას გამოთქვამს CU-ის თანადამფუძნებლისა და სასწავლო დარგში ვიცე-პრეზიდენტის, დამსახურებული პროფესორისა და მათემატიკის კათედრის ხელმძღვანელის, ღირსების ორდენის კავალერის - ნუგზარ სხირტლაძის, გარდაცვალების გამო.
ვუსამძიმრებთ მის ოჯახის წევრებს, ახლობლებს, კოლეგებს, ბატონი ნუგზარი არა მხოლოდ საოცარი პროფესიონალი, არამედ ღირსეული ადამიანიც იყო, რომელიც დააკლდება თითოეულ ჩვენგანს და რაც მთავარია საგანმანათლებლო სივრცეს.
ნუგზარ სხირტლაძე იყო ავტორი (თანაავტორი) 80-ზე მეტი შრომისა. მათ შორის ორი მონოგრაფიის, 8 სახელმძღვანელოსი და ორი დამხმარე სახელმძღვანელოსი.
კავკასიის უნივერსიტეტი მადლობელია იმ გაწეული ღვაწლისთვის, რომელმაც ბატონმა ნუგზარმა ჩადო კავკასიის უნივერსიტეტის მშენებლობასა და განვითარებაში“, - წერს „კავკასიის უნივერსიტეტი.“
⭕ ასევე დაგაინტერესებთ:
