„რამ გადაგვარჩინა? რატომ იყო ჯერ ხმა და მერე რხევა?“ - სეისმოლოგი მიწისძვრასთან დაკავშირებით

სეისმური მონიტორინგის ცენტრის ინფორმაციით, მიწისძვრის ეპიცენტრი მცხეთასთან, სოფელ ლელუბანთან 2 კილომეტრში დაფიქსირდა.

მიწისძვრა თბილისის დროით, 08:00 საათზე მოხდა.

დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის გეოგრაფიის დეპარტამენტის უფროსი ლაშა სუხიშვილი განმარტავს, რატომ იყო მიწისძვრის დროს ჯერ ხმა და შემდეგ ბიძგები.

„დღევანდელი მიწისძვრა თბილისთან იყო უფრო ძლიერი (4.7), ვიდრე 2002 წლის აპრილის (4.5).

რამ გადაგვარჩინა?

1. დღევანდელის ეპიცენტრი იყო თბილისის ყველაზე ახლო უბნებიდან 10+ კმ-ში (შორები - 20+ კმ), 2002 წელში იყო თბილისში;

2. დღევანდელის ჰიპოცენტრი (სიღრმე) იყო ღრმა, მოხდა 27 კმ სიღრმეზე და რხევა ზედაპირზე ამოსვლამდე შედარებით დაცხრა.

რატომ იყო ჯერ ხმა და მერე რხევა?

მიწისძვრისას მოდის რამდენიმე ტალღა. პირველი ტალღა P (რომელიც სწრაფად ვრცელდება) იწვევს ამ ხმას, მეორე ტალღა S იწვევს იმ რხევას რომელსაც აღვიქვამთ, კიდევ სხვა ტალღებიცაა მაგრამ არაუშავს. და საერთოდ, 4.7 არის საშუალოზე სუსტი მიწისძვრა, ამიტომ მასზე “რამ გადაგვარჩინა” კითხვა წესით უადგილოა. მაგრამ თბილისში და საქართველოში, ნაგებობების ხარისხის გამო, ეგეც კი ძალიან გვაშინებს. ასევე, კარგია რომ წვიმების გავლილ “სეზონს” დროში აცდა“,- ამბობს ლაშა სუხიშვილი. 

🔵 აგრეთვე დაგაინტერესებთ:

🎥 ტიკტოკერმა ნონა ვაშაყმაძემ 28 კილო დაიკლო - ნახეთ ვიდეო

 🔵„წარმოვიდგენ, რომ ცუდი რაღაც ხდება და ცრემლი თავისით მომდის, ზოგჯერ სახეში ხელს ორჯერ ვირტყამ... ასეთი სცენების გადაღება მიჭირდა“ - გაიცანით, 9 წლის ელენე ჩარკვიანი

🔵როგორ შეხვდა ოჯახი მარიამ როინიშვილის ტატუებსა და პირსინგს: „შეიძლება, თამრიკოს არ სიამოვნებს, მაგრამ იცის, რომ ჩემი ცხოვრებაა...“