ფოლკლორისტი გიორგი უშიკიშვილი გადაცემა „სთორის“ სტუმრობდა. მან ტელეწამყვანის თათია შარანგიას კითხვას - „რის ფასად შეძლებდა „ქართული ოცნების“ შეთავაზებაზე დათანხმებას და სიმღერას“ ასე გასცა პასუხი:
„სხვათა შორის მქონია შემოთავაზება მაგასთან დაკავშირებით. ერთადერთი, რაც მიფიქრია, რაც უნდა გადამიხადონ, რუსეთში არ წავალ და არ ვიმღერებ, რამდენი მილიონიც არ უნდა გადამიხადონ. ჩემ ახლოს ცხოვრობდა გიორგი ანწუხელიძე, ცრემლებად ვიღვრები. იქ ჩასვლა და სიმღერა ვიღაცისთვის არაფერია, ვიღაცისთვის – ხელოვნება.
ვიღაცისთვის – ხელოვნება და სპორტი პოლიტიკასთან რა კავშირშიაო. მქონდა მერიიდან შემოთავაზება, როცა თქვეს, რომ ყველას ვეპატიჟებითო, ახალ წელს იმღერეო, მაშინ უარი ვუთხარი. მაშინ მიზეზი არ მითქვამს, ახლა ვიტყვი, ეს იყო უბრალოდ „გაპრავება“ იმისა, რომ ჩვენ ყველას ვეძახითო და არანაირი სურვილი არ ჰქონდათ, მე იქ ვყოფილიყავი იმიტომ, რომ კარგად ვმღერი. იმიტომ გეძახიან, რომ თქვან, ხომ ვეძახით ამასაცო. შემდეგ წლებში კიდევ დაიწყეს ამ ხალხის გამოხშირვა. აღმოჩნდა, რომ ისიც ტყუილი იყო და ფასადური ამბავი…“, - ამბობს გიორგი უშიკიშვილი.
აგრეთვე დაგაინტერესებთ:
🔵„დღეს მოიმატებს ილუზიების, პროვოკაციებისა და ცდუნებების ალბათობა“ - ცაგარელი
