ცნობილმა რეპერმა GIMS-მა მთელი საფრანგეთი და მსოფლიო ქართულ განდაგანაზე ააცეკვა. მან ტიკტოკზე ვიდეო გამოაქვეყნა, რომელიც სოციალურ სივრცეში ვირუსულად გავრცელდა და მილიონობით ნახვები დააგროვა. სიმღერას „ნინაო“ დაარქვა.
GIMS-თან ინტერვიუ გადაცემა „პრაიმშოუმ“ ჩაწერა, რომელსაც უცვლელად გთავაზობთ:
„გამარჯობა. „პრაიმშოუს“ გაგიმარჯოთ. რამფერ ხარ ჯო? მე ზოგადად ძალიან მიყვარს. ეს სიმღერა თუ კარგად მახსოვს ერთი წლის წინ აღმოვაჩინე ტიკტოკზე. ძალიან მაგარი გრძნობა დამეუფლა და მაშინ ვთქვი, რომ ამ სიმღერასთან დაკავშირებით რაიმე ახალი უნდა მეცადა. მინდა საქართველოში ჩამოსვლა. ახლა ტურნეები მაქვს, თუმცა ვეცდები დრო გამოვნახო. ძალიან მინდა დასასვენებლად ჩამოვიდე. ხალხს უნდა შევხვდე. მიყვარს ახალი კულტურისა და ხალხის აღმოჩენა. ეს უკვე ოცნებასავითაა, როგორც სიმღერა ეს სასწაულია. ვიდეოკლიპი გამოდის ხუთ მარტს.
ვცდილობ პატივი ვცე კულტურას, მოცეკვავეებს სამოსს, ყველაფერს. მე ვეკონტაქტებოდი საქართველოს საკონსულოს საფრანგეთში. მადლობა მინდა გადავუხადო ქართველ ხალხს. მინდა ყველას გავაცნო ქართული სიმღერები. შემოქმედებითი თვალსაზრისით ქართული სიმღერები მრავალფეროვანია.
ვფიქრობ, ჩამოვალ აპრილის ბოლოს ან მაისის დასაწყისში. სამი-ოთხი დღით დავრჩები, რადგან მინდა ქართველი ხალხი გავიცნო. შეიძლება დიდი შოუც გაკეთდეს დედაქალაქში, თბილისში. ყველა ინფორმაციას გავაზიარებ სოციალურ ქსელში. დიდი მადლობა სიყვარულისთვის და ყველაფრისთვის“, - ამბობს GIMS-ი.
⭕ აგრეთვე დაგაინტერესებთ:
🎥 „იცოდით, რომ კოვიდი კიდევ არსებობს...“ - რა ვიდეოს აქვეყნებს ნუკი კოშკელიშვილი?
