ვეტერანი ფეხბურთელი რეზი არველაძე აცხადებს, რომ საქართველოს ნაკრებს ამ დღემდე საუკეთესო გუნდთან უწევს თამაში და დარწმუნებულია, რომ ჩვენი ბიჭები მაქსიმალურს გააკეთებენ.
მისი თქმით, ეროვნულმა ნაკრებმა ძალიან მაღალ დონეზე უნდა ჩაატაროს მერვედფინალური მატჩი.
„ასეთი ბედნიერი დღეები ჩვენს ქვეყანას ძალიან დიდი ხანია არ ჰქონია. მინდა, რომ ეს ბედნიერება გაგრძელდეს. ჩვენ, ფაქტობრივად, ამ ჩემპიონატის ამ დღემდე საუკეთესო გუნდთან გვიწევს ახლა თამაში. გვიწევს პლეი-ოფის, აბსოლუტურად სხვა შინაარსის თამაში და არა ისეთი, როგორიც პორტუგალიასთან იყო. აი ძალიან მაღალ დონეზე უნდა ჩავატაროთ მერვედფინალური მატჩი და იმედიც მაქვს, რომ მაღალ დონეზე ჩაივლის ეს შეხვედრა.
იგივე შინაარსის თამაშს ველოდები, რომ კონტროლი მეტი ჰქონდეს ესპანეთის ნაკრებს, ჩვენ ისევ ვითამაშებთ კონტრშეტევებზე. ისევ 5 მცველით, ისევ 3 ნახევარმცველით და 2 ფორვარდით. ჩვენ დღევანდელ დღემდე ისე მოვედით, რომ ჩვენ ჩვეულებრივად დავამტკიცეთ, რომ ჩვენი ევროპის ჩემპიონატზე მოხვედრა არ იყო შემთხვევითობა“, - აცხადებს რეზი არველაძე.
ასევე დაგაინტერესებთ:
⭕ როგორ გავარჩიოთ ერთმანეთისგან კოღოს, თუ სხვა მწერების ნაკბენები - რჩევები
🎥 „ამ დღეს მინუსები ახლავს...“- 29 ივნისის ასტროლოგიური პროგნოზი ხათუნა ნოელისგან
