საბავშვო ევროვიზია 2026-ზე საქართველოს პროექტის, „რანინას“ მეცხრე სეზონის გამარჯვებული დავით ლომიძე წარადგენს, სიმღერით Sun On the Rooftops (მზე სახურავებზე).
საკონკურსო სიმღერისა და ვიდეორგოლის პრემიერა უკვე გაიმართა.
„პირველ არხთან“ ინტერვიუში დავით ლომიძე ამხელს, რის თქმას აპირებს გამარჯვების შემთხვევაში:
„დედაჩემი სულ მეუბნებოდა, წარმომიდგენია რომ გაიმარჯვებ რას იტყვიო და ეს სიტყვა იყო Welcome To Georgia.
რასაც მგონია, რომ მართლა ვიტყვი“, - ამბობს დავით ლომიძე.
ცნობისთვის, სიმღერის კომპოზიტორი გიგა კუხიანიძეა, ტექსტზე კი ირინა სანიკიძემ იმუშავა.
საკონკურსო სიმღერაზე მუსიკალური კლიპი ზაზა ორაშვილმა გადაიღო, მხატვრობაზე – შაკო პოპიაშვილმა, ხოლო კოსტიუმებზე იზა ნადარეიშვილმა იმუშავა. მუსიკალურ რგოლში ქორეოგრაფია გიორგი ტორიაშვილს ეკუთვნის.
მუსიკალური კლიპის გადაღება აჭარაში მიმდინარეობდა.
შეგახსენებთ, რომ 2026 წლის საბავშვო ევროვიზიის კონკურსი 24 ოქტომბერს მალტაში გაიმართება.
ასევე დაგაინტერესებთ:
