Digest Logo

საბა ლაზიშვილი ორგანიზაცია RAF-ში მომდევნო შეხვედრას 19 დეკემბერს გამართავს - რა არის ცნობილი მის მეტოქეზე?

1794860766
საბა ლაზიშვილი

ქართველი მოჭიდავე საბა ლაზიშვილი RAF-ის (Real American Freestyle) ეგიდით მომდევნო შეხვედრას 19 დეკემბერს გამართავს. ამის შესახებ ორგანიზაციამ სოციალურ ქსელში ოფიციალურად განაცხადა.

ლაზიშვილის მეტოქე UFC-ის ყოფილი მებრძოლების, სერხიო პეტისისა და კოდი გარბრანდტის დაპირისპირებაში გამარჯვებული იქნება. მათი შეხვედრა RAF 15-ის ღონისძიებაზე გაიმართება.

ქართველი სპორტსმენის მეორე ბრძოლას RAF 16-ის ღონისძიება უმასპინძლებს, რომელიც 19 დეკემბერს, აშშ-ში, ლონგ-აილენდზე გაიმართება.

შეგახსენებთ, რომ საბა ლაზიშვილმა RAF-ში სადებიუტო შეხვედრა 14 ნოემბერს გამართა და UFC-ის ლეგენდა იურაია ფეიბერი 12:7 დაამარცხა.

აღსანიშნავია, რომ ლაზიშვილმა ფეიბერთან დაპირისპირების შესახებ ინფორმაცია შეხვედრამდე ერთი დღით ადრე მიიღო, თუმცა გამოცდილ მეტოქეს მაინც აჯობა და ორგანიზაციაში წარმატებული დებიუტი ჰქონდა.

⭕ აგრეთვე დაგაინტერესებთ:

🎥 „თვალები სისხლით მქონდა მიწებებული...“ - ილია თოფურია სიკვდილ-სიცოცხლის ზღვარზე ყოფნასა და ძმის გადამწყვეტ როლზე

🎥 „მინდა, რომ სპორტის განვითარებაში წვლილი შევიტანო“ - რას გეგმავს ილია თოფურია საქართველოში

🎥 „საქართველოს განსაკუთრებული ადგილი ექნება ჩემ გულში“ - ილია თოფურია ესპანურ და ქართულ სამზარეულოზე, მადლიერებასა და კულტურულ კავშირებზე

წყარო: 1tv.ge

✕