საქართველოში 1989 წლის 9 აპრილის სისხლიანი მოვლენების მონაწილე, ფილოსოფოსი და პროფესორი, ირაკლი ბათიაშვილი სტუმრად გადაცემაში „ჩემი საქართველო“ იმყოფებოდა, სადაც 26 მაისის მნიშვნელობაზე ისაუბრა:
„ვულოცავ ქართველ ხალხს საქართველოს დამოუკიდებლობის დღეს და ასევე დიდი მამულიშვილის მერაბ კოსტავას დაბადების დღეს. მე მინდა გავიხსენო 1988 წლის 26 მაისის აქცია. ეროვნულ-განმათავისუფლებელი მოძრაობის, რომელიც აღმოჩნდა საკვანძო მნიშვნელობის. როცა 26 მაისი ახლოვდებოდა ჩვენ შევიკრიბეთ, ორგანიზატორი პირები და წავიდა თემაზე კამათი, გარკვეული ნაწილი ვამბობდით რომ ჩატარებულიყო აქცია და მიტინგი, რადგან გვემცნობებინა ხალხისთვის რას ნიშნავს ეს დღე ჩვენთვის.
მეორე მხარეს იყო ზურაბ ჭავჭავაძე და ზურაბ ჩხეიძე, რომელთაც ჰქონდათ საინტერესო აზრები. ისინი ამბობდნენ, რომ აქციის ჩატარებას არანაირი მიზეზი არ ჰქონდა, რადგან საზოგადოების 90%-ს არ ჰქონდა ინფორმაცია რა არის 26 მაისი. მაშინ საბჭოთა იმპერიულმა მანქანამ ისე იმუშავა, რომ ეს დღე უნდოდათ ამოეშალათ საზოგადოების მეხსიერებისგან“, - ამბობს ირაკლი ბათიაშვილი.
⭕ ასევე დაგაინტერესებთ:
🎥 „მეოთხე ვაჟკაცი...ჩემი იმპერია იზრდება!“ - რომან დოლიძე შვილს ელოდება
