დედაქალაქში სახალხო დღესასწაული „თბილისობა 2023“ აღინიშნება.
ღონისძიებები სამ ლოკაციაზე რიყის პარკში, აბანოთუბანში, ასევე, ორბელიანის მოედანსა და მის მიმდებარე ტერიტორიაზე გაიმართება.
დაგეგმილია გასართობი, მუსიკალური და შემეცნებითი ღონისძიებები.
„12:00 საათიდან აქტიური იქნება ყველა სივრცე.
რიყის პარკი, ორბელიანის მოედანი და აბანოთუბანი უკვე ელოდება ვიზიტორებს.
23:00 საათამდე აქ მოსულ ადამიანებს დახვდებათ „გასტრონომიული ფესტივალი“, „ღვინის ფესტივალი“, სამეწარმეო მარკეტი, სხვადასხვა სცენაზე გამართული კონცერტები.
ყველაზე მნიშვნელოვანი, ცენტრალური სცენა დღეს უმასპინძლებს პატარებისთვის საყვარელ ჟოზეს, „ანა-ბანას“, „ბასტი ბუბუს“ და ასევე, დღის განმავლობაში გაიმართება სხვადასხვა ცნობილი შემსრულებლების კონცერტები“, - განაცხადა თბილისის მერიის ღონისძიების უზრუნველყოფის სამსახურის უფროსმა, ნინუცა ბუცხრიკიძემ.
აგრეთვე დაგაინტერესებთ:
🎥 ნუცა ბუზალაძე დედასთან ერთად ამღერდა
🎥 ნანუკა ჟორჟოლიანი საოცარ ფორმაშია - ტელეწამყვანი შავ კომბინეზონში პოზირებს
