დღეს, 24 ივლისს მაგისტრანტობის კანდიდატებმა გამოცდა ორ სესიად ლოგიკური მსჯელობისა და რაოდენობრივი მსჯელობის ნაწილებში ჩააბარეს. ინფორმაციას შეფასებისა და გამოცდების ეროვნული ცენტრი ავრცელებს.
პროცესის მიმდინარეობას შეფასებისა და გამოცდების ეროვნული ცენტრის დირექტორი თამარ მემანიშვილი ბათუმის N1, N9 და N10 საჯარო სკოლებში გახსნილ საგამოცდო ცენტრებში გაეცნო.
წაკითხულის გააზრებისა და ანალიტიკური წერის ნაწილში გამოცდა მაგისტრანტობის კანდიდატებისთვის 23 ივლისს უკვე ჩატარდა. საერთო სამაგისტრო გამოცდის ჩაბარების სურვილი წელს 10 000-ზე მეტმა პირმა გამოთქვა.
ჯამში, ორივე საგამოცდო დღეს გამოცხადდა რეგისტრირებულთა 83%-ზე მეტი მაგისტრანტობის კანდიდატი გამოცხადდა.
დღესვე, საერთო სამაგისტრო გამოცდის პარალელურად, მასწავლებლებმა და მასწავლებლობის მსურველებმა აზერბაიჯანული ენის გამოცდა ჩააბარეს. გამოცდაზე რეგისტრირებულთა 79%-მდე გამოცხადდა.
საგამოცდო პროცესი კვლავ მასწავლებლებისა და მასწავლებლობის მსურველთა გამოცდებით გაგრძელდება და 29 ივლისს დასრულდება.
⭕ ასევე დაგაინტერესებთ:
