საქართველოს საკალათბურთო ნაკრები რიგაშია, სადაც 2-დან 7 ივლისის ჩათვლით ოლიმპიადის საკვალიფიკაციო ტურნირი ჩატარდება. 6 ქვეყნის ნაკრები – ლატვია, საქართველო, ფილიპინები, ბრაზილია, მონტენეგრო, კამერუნი – ოლიმპიადის ერთი საგზურისთვის იბრძოლებს.
საქართველოს ნაკრები პირველ მატჩს დღეს ლატვიასთან 20:00 საათზე გამართავს. შეხვედრის პირდაპირ რეპორტაჟებს საქართველოს პირველი არხი და პირველი არხი სპორტი შემოგთავაზებთ.
აღნიშნული ტურნირისთვის მზადება საქართველოს ნაკრებმა 1 ივნისიდან თბილისში დაიწყო, იტალიაში განაგრძო და ლატვიაში დაასრულა. მზადების ბოლო ეტაპი ალექსანდრ ჯიკიჩის გაწვრთნილმა გუნდმა ლატვიაში, რიგიდან 30 კილომეტრით დაშორებულ იურმალაში გაიარა, სადაც ორი ვარჯიში და ამდენივე სპარინგმატჩი გამართა. ჩვენი ნაკრები კამერუნთან 1 ქულით დამარცხდა, ხოლო ეგვიპტეს 32 ქულით სძლია.
30 ივნისიდან ნაკრები რიგაში ემზადება.
ჯიკიჩმა ლატვიის დედაქალაქში ჩასვლის შემდეგ დაასახელა 12-კაციანი შემადგენლობა, რომელიც ოლიმპიადის შესარჩევს ითამაშებს.
აგრეთვე დაგაინტერესებთ:
⭕ სასურველი სასიძოები ეროვნული ნაკრებიდან - „მათი გული ჯერ კიდევ თავისუფალია“
