გარემოს ეროვნული სააგენტო საქართველოში ზაფხულის ბოლო თვის, აგვისტოს უახლოეს დღეებში მოსალოდნელ ამინდის პროგნოზთან დაკავშირებით ინფორმაციას ავრცელებს.
როგორც გარემოს ეროვნული სააგენტო იტყობინება, 4 აგვისტომდე საქართველოში ნარჩუნდება ჰაერის მაღალი ტემპერატურა, ზოგან 38-40 გრადუსამდე.
მოსალოდნელი მაღალი ტემპერატურა სითბური სტრესისა და ტყის ხანძრების რისკის ხელშემწყობ პირობას წარმოადგენს (საფრთხის დონე საშუალო).
რეკომენდაციები: 👇
✔️ ოთახები, გაგრილების მიზნით, ხანგრძლივი დროით, გაანიავეთ - ღამით და დილით ადრე, როდესაც გარე ტემპერატურა დაბალია
✔️ დღისით, შეამცირეთ სახლში სიცხის შეღწევა. გამორთეთ ხელოვნური განათება და შეზღუდვით გამოიყენეთ ელექტროენერგია
✔️ მოერიდეთ გარეთ გასვლას დღის ყველაზე ცხელ პერიოდში
✔️ მოერიდეთ მძიმე ფიზიკურ აქტივობას
✔️ არ დატოვოთ ბავშვები, ან შინაური ცხოველები გაჩერებულ სატრანსპორტო საშუალებებში
✔️ მიიღეთ გრილი შხაპი ან აბაზანა
✔️ ქუჩაში გასვლისას, ატარეთ ნატურალური მასალის, ღია ფერის, თავისუფალი ტანსაცმელი
✔️ მიიღეთ დიდი რაოდენობით სითხე, რეგულარულად
✔️ მოერიდეთ ალკოჰოლს, ზედმეტ კოფეინს და შაქარს
✔️ საკვები მიიღეთ ხშირად და მცირე ულუფებით, მოერიდეთ ცილოვან საკვებს
✔️ თუ იღებთ მედიკამენტს, ჰკითხეთ მკურნალ ექიმს, რა გავლენა შეიძლება იქონიოს თერმორეგულაციასა და სითხის ბალანსზე
✔️ მზით დამწვრობის თავიდან ასარიდებლად, მოერიდეთ მზის პირდაპირ სხივებსა და გარუჯვას
⭕ ასევე დაგაინტერესებთ:
⭕ აჭარაში ნარკოდანაშაულის ბრალდებით უცხო ქვეყნის 3 მოქალაქე დააკავეს
