21 მარტი ქართული სპორტისთვის ერთ-ერთი უმნიშვნელოვანესი დღეა. გარდა იმისა, რომ ეროვნული საფეხბურთო ნაკრები 2024 წლის ევროპის ჩემპიონატზე მოსახვედრად გადამწყვეტ ბრძოლაში ერთვება, ქართველი გულშემატკივარი მატჩის დაწყებამდე ლეგენდარულ ქართველ მებრძოლ ილია თოფურიასაც იხილავს, რომელმაც საქართველოში UFC-ის საჩემპიონო ქამარი ჩამოიატანა.
იქამდე, „ელ მატადორი” La Gazzetta dello Sport Georgia-ს ოფისში ეწვია და მის დამფუძნებელ ლაშა მაჭავარიანს ექსკლუზიური ინტერვიუ მისცა.
„პირიქით, დიდი მადლობა თქვენ, საქართველოში ჩამოსვლა და გამარჯვების გაზიარება ჩემი სურვილი და მოვალეობა იყო. სიმართლე გითხრათ, გუშინდელმა დღემ და დახვედრამ მოლოდინს გადააჭარბა.
ძალიან ემოციურია ამდენი ხალხის წინაშე გასვლა, როდესაც ყველას შენი წარმატება უხარია. ყველასთან მისვლა და ჩახუტება მინდა. დიდი სიამოვნებით გავატარებდი დროს თითოეულ მათგანთან, მაგრამ სამწუხაროდ, ეს ვერ ხერხდება. მადლობა ღმერთს ბევრნი არიან, იმედია ეს ასეც გაგრძელდება.
ძალიან სასიამოვნო გრძნობა გეუფლება, როდესაც მადრიდის რეალის სტადიონზე ხარ, გვირაბიდან გამოსვლისას ათიათასობით მაყურებლის ოვაცია გესმის. დიდი სიამოვნებით გაგიზიარებდით უკეთესად, მაგრამ სამწუხაროდ, ამისთვის შესაფერისი სიტყვები არ არსებობს.
დღესდღეობით MMA პოპულარული სპორტია, 10 წლის წინ, როდესაც ვარჯიში დავიწყე, ამ სპორტზე არავინ არაფერი იცოდა. როცა ვამბობდი, რომ MMA-ში ვვარჯიშობდი მეუბნებოდნენ UFC-ში თუ ვჩხუბობდი, იმდენად არაინფორმირებულები იყვნენ. მადლობა ღმერთს, დღეს ბევრი ადამიანია ჩართული, ძალიან განვითარდა კიდეც ეს სპორტი. ბევრად მეტი ღონისძიება ტარდება, მეტი შანსი აქვს მომავალ თაობას რომ იმავე წარმატებას მიაღწიოს.
ჩემი აზრით, ასეა. ფეხბურთი ყველას გვიყვარს, მაგრამ ბევრად უფრო გვიყვარს მაშინ, როდესაც ჩვენი გუნდი თამაშობს. ასევეა ყველა სპორტსა და ზოგადად, ცხოვრებაში. როცა შენიანი იბრძვის უფრო დიდ ინტერესს იჩენ, ასე მოხდა ესპანეთში. ბევრად დიდი დაინტერესებაა იმის გამო, რომ მათ წარმომადგენელი ჰყავთ.
მარტივი არ არის, მაგრამ ყოველთვის თავდაჯერებული ვარ. დარწმუნებული ვიყავი ჩემს შესაძლებლობებში. ყოველთვის ძალიან ბევრს ვშრომობდი იმისთვის, რომ განვვითარებულიყავი, როცა ჩემპიონობისთვის ბრძოლის მომენტი დადგა, ერთ ჩვეულებრივ საღამოს. უცებ ვიფიქრე, ღმერთმა თუ აქამდე მომიყვანა და ყველა დაბრკოლება აქ მოსასვლელად გადავლახე, ახლა რატომ არ უნდა ვიყო თავდაჯერებული და რატომ უნდა შემეპაროს ეჭვი იმაში, რომ ჩემპიონი გავხდები. სწორედ მაგ მომენტში შევცვალე და ინსტაგრამ გვერდზე 15-0 დავიწერე. მეორე დილით რომ გავიღვიძე ყველა საინფორმაციო გვერდი ამაზე წერდა.
ფიზიკურად, მენტალურად და სულიერად - ყველა ასპექტში ყოველთვის მომზადებული ვიყავი. ყოველთვის მზად იმ გამოწვევებისთვის, რომლებიც წინ მელოდება. ვიცი, რომ თავდადებული შრომა შედეგს ყოველთვის გამოიღებს.
ბევრს სჭირდება, რომ ნახოს იმისთვის, რათა დაიჯეროს. ჩემ შემთხვევაში, ჯერ რწმენა მოდის, წარმატებას შემდეგ ვხედავ.
სიმართლე გითხრათ, არანაირი გავლენა არ ჰქონია. იმდენად დარწმუნებული ვიყავი, რომ ამ ბრძოლას მოვიგებდი, მეტოქის მიუხედავად, ეჭვი არ მეპარებოდა. ყოველთვის ვიცოდი რომ როცა ჩემი დრო მოვიდოდა და ქამრისთვის ბრძოლის მომენტი დადგებოდა, მსოფლიო ჩემპიონი აუცილებლად გავხდებოდი. ამისთვის ვშრომობდი დღე და ღამე.
ჩემი მომდევნო ოცნება სანტიაგო ბერნაბეუზე ბრძოლაა. ბოლო დეტალები ზუსტდება, წლის ბოლოს ასეც მოხდება. უდიდესი ალბათობით, ქამარს სწორედ ამ სტადიონზე დავიცავ“, - ამბობს ილია თოფურია.
აგრეთვე დაგაინტერესებთ:
⭕მსოფლიოში ყველაზე ბედნიერი ქვეყანა ფინეთია, სიაში საქართველო 91-ე ადგილზეა
⭕„დაიწყება ზოგადად ერთთვიანი დადებითი პერიოდი... შეუტიეთ!“ - რამაზ გიგაური 20 მარტის ბუნიობაზე
⭕„ჩემი სიყვარული“ - მარიტა როხვაძე საქმროსთან ერთად გადაღებულ ფოტოებს აქვეყნებს
