საქართველოში მოსალოდნელია წვიმა და ქარის გაძლიერება - უახლოესი დღეების ამინდის პროგნოზი

გარემოს ეროვნული სააგენტო მომდევნო დღეების განმავლობაში საქართველოში მოსალოდნელი ამინდის შესახებ ინფორმაციას ავრცელებს.

სინოპტიკოსების პროგნოზით, 2 მაისის დღის ბოლოდან 3 მაისის დღის ბოლომდე საქართველოში მოსალოდნელია წვიმა, ხოლო ქვეყნის აღმოსავლეთ ნაწილში ნალექიანი ამინდი 5 მაისამდე შენარჩუნდება.

„2 მაისის დღის ბოლოდან 3 მაისის დღის ბოლომდე საქართველოში, ხოლო 4 მაისიდან 5 მაისის დილამდე ქვეყნის აღმოსავლეთ ნაწილში, მოსალოდნელია წვიმა, ზოგან ძლიერი, შესაძლებელია ელჭექი, სეტყვა და ქარის გაძლიერება.

მოსალოდნელმა ნალექებმა შესაძლებელია მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა – გააქტიურება გამოიწვიოს (საფრთხის დონე საშუალო)“, – ნათქვამია გარემოს ეროვნული სააგენტოს გავრცელებულ ინფორმაციაში.

⭕ ასევე დაგაინტერესებთ:

⭕„ბოლო ერთი წელია მე, ნიკა და ბავშვები ერთად ვცხოვრობთ, გავხდით ერთი დიდი ოჯახი, რაც ყველაზე მეტად მაბედნიერებს“ - ქეთი წიქვაძე

⭕„დღემდე მაქვს ეს კომპლექსი, განსაკუთრებით მამაკაცებთან ურთიერთობაში“ - რას ჰყვება მაია ასათიანი

⭕„ხან ანორექსია მაქვს, ხან კაზინოში დავდივარ და ხან ძალადობის მსხვერპლი ვარ...“ - რას ჰყვება რუსკა მაყაშვილი