საქართველოს ნაკრებმა ევროპის ჩემპიონატზე გამოსვლა დაასრულა, რომელიც ნებისმიერ შემთხვევაში წარმატებით ჩაატარა და ისტორია დაწერა.
საქართველოს გუნდი ესპანეთის ნაკრებთან 1/8- ფინალურ შეხვედრაში ანგარიშით 1:4 დამარცხდა. თამაშის დასრულების შემდეგ საქართველოს ნაკრების კაპიტანმა გურამ კაშია მედიასთან ისაუბრა.
„საამაყოა, როგორ წარმოვადგინეთ ჩვენი ქვეყანა ასეთი დონის ტურნირზე. ევროპის ჩემპიონატზე პირველად მოვხვდით და ეს საოცარი თავგადასავალი იყო. კიდევ ერთხელ ვამაყობ ჩვენი თამაშით.
რაც შეეხება ესპანეთთან მატჩს, პირველი ტაიმი კარგად ჩავატარეთ, მეორეში, მას შემდეგ, რაც კიტეიშვილი დაგვაკლდა, თამაში შეიცვალა. საბოლოოდ გოლებიც გავუშვით და ჩემპიონატს გამოვემშვიდობეთ, თუმცა გახარებულები ვართ, რომ საკუთარი ქვეყანა ღირსეულად წარმოვაჩინეთ.
თავები მაღლა“, - აცხადებს კაშია.
აგრეთვე დაგაინტერესებთ:
