„თურქული საფეხბურთო კლუბი „ბეშიქთაში“ ზამთრის სატრანსფერო „ფანჯრის“ პერიოდში ზურიკო დავითაშვილს პრიორიტეტულ სამიზნედ განიხილავს, ხოლო „სენტ-ეტიენი“ ფეხბურთელის სანაცვლოდ დაახლოებით 20 მილიონი ევროს მიღებას იმედოვნებს“, – ინფორმაციას სხვადასხვა თურქული გამოცემა ავრცელებს.
„ბეშიქთაში“ კვლავ ინტერესდება ზურიკო დავითაშვილით. კლუბის სპორტული დირექტორი ცოტა ხნის წინ ფეხბურთელის აგენტს შეხვდა. „სენტ-ეტიენი“ ტრანსფერში 20 მილიონი ევროს მიღებას ელოდება“, – წერს გამოცემა Besiiktas_Plus-ი.
„სენტ-ეტიენის“ მთავარმა მწვრთნელმა, ერიკ ჰორნელანდმა 24 წლის ქართველი გარემარბის შესახებ განცხადებაში არაპირდაპირ მიანიშნა, რომ ტრანსფერი შესაძლებელია:
„თუ დავითაშვილს ნამდვილად სურს წასვლა და შესაბამისი შეთავაზებით მოგვმართავენ, ჩვენ ღია ვართ მოლაპარაკებისთვის და წინადადებებს აუცილებლად მოვუსმენთ“.
ზურიკო დავითაშვილმა ამ სეზონში საფრანგეთის ლიგა 2-ში 82 წუთი ითამაშა, 12 მატჩი ჩაატარა, 6 გოლი გაიტანა და ერთი საგოლე გადაცემა შეასრულა.
⭕ ასევე დაგაინტერესებთ:
⭕25-30 ნოემბერს საქართველოში თბილი და უნალექო ამინდია მოსალოდნელი
🎥 „გაქვთ შანსი მეტად გაძლიერდეთ კარიერაში...“ - მიმდინარე კვირის ასტროპროგნოზი მიხეილ ცაგარელისგან
წყარო: 1tv.ge
