„აბუ-დაბიში მომხდარი ინციდენტის შემდეგ დაკავებული მერაბ დვალიშვილისა და საბა ლაზიშვილის საქმეზე სასამართლო პროცესი დასრულდა“, – ამის შესახებ საბა ლაზიშვილის ძმამ, ზვიად ლაზიშვილმა განაცხადა.
მისი ინფორმაციით, საქმეში საქართველოს საელჩო, RAF-ის წარმომადგენლები და სხვა პირები არიან ჩართული. ზვიად ლაზიშვილი იმედოვნებს, რომ მერაბი და საბა დღეს, 17:00 საათზე გათავისუფლდებიან.
„ძალიან ბევრი ადამიანი მირეკავს და მწერს საბასა და მერაბის საქმესთან დაკავშირებით. მინდა გითხრათ, რომ ჩვენი საელჩო, RAF-ის წარმომადგენლები და ძალიან ბევრი ადამიანი ჩართულია ამ საქმეში.
ბევრი ადამიანი შეწუხდა და ცდილობენ, ყველაფერი დროულად მოაგვარონ.
ამ ეტაპზე სასამართლო პროცესი დასრულებულია და, როგორც ვიცით, ჩვენი ბიჭები 17:00 საათზე უკვე თავისუფლები იქნებიან. ზუსტი ვერდიქტი დაახლოებით 12:00 საათზე გვეცოდინება.
როგორც ვიცით, ყველაფერი კარგად დასრულდება და, ღვთის შეწევნით, ამ სიტუაციას რაიმე სერიოზული შედეგი არ მოჰყვება. უღრმესი მადლობა ყველას მხარდაჭერისთვის“, – განაცხადა ზვიად ლაზიშვილმა.
11 ნოემბერს, აბუ-დაბის ერთ-ერთ სასტუმროში, ინტერვიუს დროს მერაბ დვალიშვილს უსმან ნურმაგომედოვი თანმხლებ პირებთან ერთად თავს დაესხა. ინციდენტის შემდეგ ადგილობრივმა პოლიციამ რამდენიმე ადამიანი დააკავა.
⭕ აგრეთვე დაგაინტერესებთ:
⭕„ლილიტის მახე“ – რატომ უნდა ვიყოთ განსაკუთრებით ფრთხილად 13 ნოემბერს და რას უნდა მოვერიდოთ?
