ქართული ლიტერატურის მკვლევარი, ფილოლოგიის დოქტორი და ესეისტი გია მურღულია სოციალურ ქსელში მორიგ საინტერესო, შთამაგონებელ და ცხოვრებისეულ პოსტს აქვეყნებს:
„ოთხი კითხვა
ადამიანი ცხოველისგან არსებითად იმით განსხვავდება, რომ კითხვებს სვამს და გონივრულ პასუხებს ეძებს.
სულ 4 მთავარი კითხვაა:
რა?
რატომ?
რისთვის?
როგორ?
პირველი საქმეს ეძებს.
მეორე - მიზეზს.
მესამე - მიზანს.
მეოთხე - მოქმედების ლოგიკასა და ალგორითმს.
ამ ოთხმა კითხვამ განავითარა და გააბატონა ადამიანი დედამიწაზე.
ეს მხოლოდ ისტორიული კი არა, მარადიული კითხვებია - არც ერთი დღით არ წყვეტენ სიცოცხლეს.
ერთი კი არის:
თუ ამ კითხვებს გონიერი, კეთილი და გემოვნებიანი ადამიანი სცემს პასუხებს, ეს ბედნიერებაა.
თუ სულელი, ბოროტი და უგემოვნო - უბედურება.
ბედნიერებას ხშირად უბედურების გარემოცვაში უწევს ყოფნა, მაგრამ რწმენა და იმედი იმას გვკარნახობს, რომ ბნელი ნათელს ვერ აჯობებს.
ეს იმედი და მისი მსახურება რომ არა, კაცობრიობა დიდი ხნის წინ დაასრულებდა არსებობას“, - წერს გია მურღულია.
⭕ ასევე დაგაინტერესებთ:
⭕„დღეს ჩემს სიტყვებს ძალა აქვს...“ - ძლიერი დილის ფრაზა წარმატებისთვის
⭕ ზოდიაქოს 5 ნიშანი, რომლებსაც 15 მარტიდან 28 აპრილამდე ფინანსური წარმატება და დაწინაურება ელოდება
⭕„შეიძლება იყოს შოკის მომგვრელი ან რადიკალური ცვლილებების დღე...“ - 11 მარტის ტაროლოგიური პროგნოზი
