ფსიქოლოგი მარიამ მგალობლიშვილი სოციალურ ქსელში ადამიანზე გავლენის მოხდენის 7 გზას გვიზიარებს:
1. როცა შეურაცხყოფის მოყენებას ცდილობენ:
გაიღიმეთ. მშვიდი ღიმილი ანეიტრალებს მოწინააღმდეგის ემოციურ აგრესიას და ძალას აცლის მის პროვოკაციას.
2. თუ ადამიანზე დომინირება გინდათ:
უყურეთ შუბლზე (თვალების ოდნავ ზემოთ). შუბლზე მზერა თანამოსაუბრეში ქვეცნობიერად აჩენს შფოთვას, ავტორიტეტის და უხერხულობის განცდას.
3. თუ მოსაუბრის გაუფასურება გინდათ:
კონფლიქტის დროს საათს დახედეთ ხოლმე. ეს მარტივი ჟესტი აგრძნობინებს ადამიანს, რომ მისი ქცევა ან სიტყვები თქვენთვის უმნიშვნელოა.
4. თუ გინდათ, რომ უკეთ მოგისმინონ:
ისაუბრე შედარებით ჩუმად კონფლიქტის დროს. რაც უფრო წყნარად და დაბალ ხმაზე საუბრობთ, მით უფრო მეტად უწევს სხვას ძალისხმევა, რომ მოგისმინოთ და თქვენს ტონს მოარგოს ყურადღება.
5. თუ ადამიანის „გახსნა“ გინდათ:
გაჩუმდით და მიეცით სივრცე. სიჩუმე დისკომფორტს ქმნის. მიეცით საშუალება, რომ ეს პაუზა თავად შეავსოს, ასე შანსი, რომ მეტი თქვას, ვიდრე ჩაფიქრებული ჰქონდა გაცილებით მეტია.
6. თუ ოპონენტის განიარაღება გსურთ:
დაეთანხმეთ მის მოყენებულ „შეურაცხყოფას“ მშვიდად და სარკაზმით. როდესაც კრიტიკას ეთანხმებით, ნიადაგს აცლით კონფლიქტს. აგრესორი პასუხს ვერ იღებს და იბნევა.
7. თუ ადამიანის დაბნევა გინდათ:
დაუსვი მოულოდნელი კითხვა. დაუგეგმავი კითხვა არღვევს მზა სცენარებს, ფიქრს აწყვეტინებს ოპონენტს და დაცვით რეაქციებს ასუსტებს.
ასევე დაგაინტერესებთ:
🎥 ილია სულამანიძის მიერ დაკრულ შალახოზე აცეკვებული ტელეწამყვანები - კადრები გადაცემიდან „ზურას შოუ“
