დღეს 9 მაისია - ფაშიზმზე გამარჯვების დღე. მეორე მსოფლიო ომის დასრულებიდან 78 წელი გავიდა. მეორე მსოფლიო ომში საქართველოდან, 700 000 ადამიანი წავიდა, აქედან ნახევარი, უკან არ დაბრუნებულა.
აღნიშნულ ტრაგიკულ თარიღს, მწერალი, ეროვნული ბიბლიოთეკის დირექტორი გიორგი კეკელიძე სოციალურ ქსელში ემოციური ისტორიით ეხმაურება.
„მე მახსოვს ერთი ქვრივი ქალი, უკვე ძალიან მოხუცი,
კვირაში ორჯერ ახალგაზრდა მამაკაცის გარეცხილ შარვლებს გასაშრობად ფენდა ჯიუტად.
ასეთი სასტიკია ომი - უსასრულო ლოდინის მშობელი.
#ახალისიმღერები
- 9 მაისის სიმღერა -
ახალმა თაობამ ალბათ ძნელად იცის ასეთი სიტყვათშეთანხმება - „ომში დაკარგული“, თან რომ არ დაბრუნდა და თან იმედი გრჩება, რომ ცოცხალია. მე მართლა ვიცნობდი ასეთ ქალს, ჩემი მეზობელი იყო - დაკარგულ ქმარს ურეცხავდა ჯიუტად ტანსაცმელს“, - წერს კეკელიძე.
ასევე დაგაინტერესებთ:
