ასტროლოგი და ფსიქოლოგი გიორგი ლობჯანიძე სოციალურ ქსელში პერიოდულად პოსტებს აქვეყნებს, სადაც ასტროლოგიურ პროგნოზსა და გლობალური თემებს მიმოიხილავს.
ამჯერად იგი მორიგ პოსტს ავრცელებს, სადაც ციფრ 7-ის სხვადასხვა მნიშვნელობებზე წერს:
„ცნობილი მეცნიერი, ისააკ ნიუტონი ამბობდა: ,,ის, რაც ვიცით, წვეთია, რაც არ ვიცით ოკეანეო“.
სამყაროს შექმნის და მოწესრიგების ამბებში, შემოქმედს დიდი ყურადღება აქვს გამახვილებული მათემატიკურ სიზუსტეზე. ყველაფერი დეტალებით არის გაწერილი, მართლაც საოცარია.
სხვადასხვა სწავლებებში, სამყაროს შექმნის და მართვის შვიდი ენერგეტიკული სხივი/გზა არსებობს, ესენია:
1. ძალის სხივი
2. სიუხვის და ბედნიერების სხივი
3. აქტიური ინტელექტის და სტაბილურობის სხივი
4. ჰარმონიის და სილამაზის/სიყვარულის სხივი
5. კომუნიკაციის და მეცნიერული გზის სხივი
6. ერთგულების სხივი
7. ცვალებადობის/ჰარმონიის სხივი.
ყოველი ადამიანი დაბადებიდანვე მიესადაგება რომელიმე მათგანს ან რამდენიმე კომბინაციას. ამის შესახებ კარგად გვესაუბრება ,,ალის ბეილი’’ მისივე ნაშრომებში.
ციფრი 7 სრულყოფილებისა და კოსმოსური წრიანობის სიმბოლოა.
3 სულიერი პრინციპი, (სამება, ცნობიერება) და 4 მატერიალური პრინციპი (ოთხი ელემენტი: ცეცხლი, ჰაერი, წყალი, მიწა). ჯამში სულიერ და მატერიალურ ერთობას ვიღებთ, გენიალური სინთეზია.
მართლაც: 7 დღე დასჭირდა სამყაროს შექმნას, 7 ძირითადი ენერგეტიკული ცენტრია, 7 მუსიკალური ნოტა, 7 ფერი ცისარტყელაში, 7 საფეხურია სულიერ გზაზე სხვადასხვა ფილოსოფიურ თუ რელიგიურ სწავლებებშიც.
7 ეზოტერული სკანერია, რომელიც კოსმოსური ენერგიის მრავალფეროვნებას ასახავს.
თითოეული ადამიანი კონკრეტული დავალების და ამოცანის მატარებელია.
რიცხვებში დიდი საიდუმლო ინახება, როგორც სიტყვებში. ბოლოს კი ყველაფერი ცხრიანზე გადის. 9 ეს ციკლის დასასრული და უმაღლესი ცნობიერებაა, როცა ან ნასწავლი მოძრაობს ადამიანი, ან ჯერ კიდევ სჭირდება ცოდნის მიღება და კონკრეტულ საფეხურამდე მისვლა.
ცხოვრების ყველა ეტაპზე გვხვდება ის გამოცდა, რაც გვჭირდება და რისთვისაც ვართ მზად. არ არსებობს მომენტი, როცა რამე იგვიანებს ან ადრე მოდის. ყველაფერი ხდება მაშინ, როცა საჭიროა და როცა მზად ვართ!
განსაცდელი არანორმალურად ძლიერ ზრდის ადამიანს. ჩვენში, ყოველ ჩვენგანში ღვთიური სხივია შემოსული, უბრალოდ თავისუფალი ნება გვაქვს, რითაც შინაგანი ადამი უნდა გავზარდოთ, ალტერნატიული გზა არ არსებობს. არის სიტუაციები საშუალოს ვერ დაიჭერ. ან ხარ ღმერთთან და ან დემონთან. ასეა, მართლაც ასეა - რაც ვიცით წვეთია, რაც არა - ოკეანე!“, - წერს გიორგი ლობჯანიძე.
ასევე დაგაინტერესებთ:
