ასტროლოგი უჩა სიხარულიძე სოციალურ ქსელში პერიოდულად გამომწერებს საინტერესო ინფორმაციებს უზიარებს.
გთავაზობთ მის მორიგ პოსტს:
„ადამიანი ყველაზე დიდ ტყუილს საკუთარ თავს ეუბნება მაშინ, როცა ამბობს: „მე კარგად ვიცი, ვინ ვარ“.
სინამდვილეში, ჩვენ მთელი ცხოვრება ვუახლოვდებით საკუთარ თავს, როგორც უცნობ ქალაქს, რომელშიც დაბადებიდან ვცხოვრობთ, მაგრამ მისი ყველა ქუჩა ჯერ არ გაგვივლია.
არსებობს ჩვენს სულში ოთახები, რომელთა კარები წლებია ჩაკეტილია. იქ ვინახავთ ბავშვობის შიშებს, დაუმთავრებელ სურვილებს, სიტყვებს, რომლებიც ვერ ვთქვით და იმ სახეებს, რომლებიც ოდესღაც ვიყავით, მაგრამ ვეღარ ვბედავთ ვიყოთ.
ზოგჯერ ჩვენი ყველაზე დიდი ნიჭი იმ ადგილას იმალება, სადაც ჩვენი ყველაზე დიდი ტკივილია. ზოგჯერ ის თვისება, რომელსაც ადამიანში სისუსტედ აღვიქვამთ, მხოლოდ მოუმწიფებელი ძალაა, რომელსაც ჯერ თავისი ენა არ უპოვია.
ვარსკვლავები ადამიანს არ ქმნიან. ისინი მხოლოდ გვახსენებენ, რომ ჩვენში გაცილებით მეტი ისტორიაა, ვიდრე ის ერთი ცხოვრება, რომელსაც ყოველდღიურად ვხედავთ და ალბათ ადამიანის ყველაზე დიდი ტრაგედია ის კი არ არის, რომ მან ვერ იპოვა საკუთარი გზა, არამედ ის, რომ მთელი ცხოვრება სხვის გზაზე იარა და ბოლოს აღმოაჩინა, რომ საკუთარი თავისთვის სრულიად უცხო ადამიანი გახდა“, - წერს უჩა სიხარულიძე.
ასევე დაგაინტერესებთ:
🎥 „რა კარგები ხართ“ - რატი გაჩეჩილაძის და კარინა ლისენკოს ოჯახური კადრები
⭕„იესეს ნათლობის დღე...“ - ნინი კენჭიაშვილი და ლევან წვერავა ოჯახურ კადრებს გვიზიარებენ
