„ათასობით რუსი ცდილობს რუსეთის დატოვებას და საქართველოს ტერიტორიაზე გადმოსვლას“ - რა ხდება ლარსის სასაზღვრო გამშვებ პუნქტზე

საქართველოს გარდა, ავიაბილეთების მასობრივად შეძენა დაიწყეს მოსკოვიდან თურქეთისა და სომხეთის მიმართულებებითაც. სამივე ქვეყანაში რუსეთის მოქალაქეებისთვის უვიზო მიმოსვლაა.

მოსკოვიდან საქართველოში მგზავრები (სომხეთის გავლით) ჩამოჰყავს ერთადერთ ქართულ ავიაკომპანია „ჯორჯიან ეარვეისს" - კომპანიის ვებგვერდზე განთავსებული მონაცემების მიხედვით, მასალაზე მუშაობის დაწყებისას [13:30 სთ], მოსკოვი-თბილისის რეისზე 27 სექტემბრის ბილეთები ხელმისაწვდომი იყო, დაახლოებით 45 წუთში კი [14:16 საათზე], 1 ოქტომბრამდე ყველა ბილეთი გაიყიდა.ბელარუსის ეროვნული ავიაკომპანია „ბელავიას" ბილეთები თვის ბოლომდე უკვე სრულად არის გაყიდული - კომპანია მოსკოვიდან თბილისის, ბათუმისა და ქუთაისის მიმართულებებით დაფრინავს.ბილეთები 26 სექტემბრამდე გაყიდულია Turkish Airlines-ის მოსკოვი-თბილისის რეისზეც, 26 სექტემბრიდან კი ერთი გზა 1700 დოლარზე მეტი ღირს. დაახლოებით ამ ფასად შეიძლება მოსკოვიდან ბათუმში ჩაფრენა 22 სექტემბერს, თუმცა მგზავრობის ხანგრძლივობა 18 საათზე მეტია.რუსეთის პრეზიდენტის, ვლადიმირ პუტინის გადაწყვეტილებით, რუსეთმა საქართველოსთან ავიამიმოსვლა 2019 წლის 8 ივლისიდან შეწყვიტა, რასაც წინ უძღოდა რუსული ოკუპაციის საწინააღმდეგო აქციები. მას შემდეგ საქართველოში რუსეთიდან თვითმფრინავით ჩამოსვლა მხოლოდ სხვა ქვეყნის გავლით არის შესაძლებელი.

ახლა, როცა რუსეთში ნაწილობრივი მობილიზაცია გამოცხადდა, რუსეთის ხელისუფლების წარმომადგენლები ირწმუნებიან, რომ ამის გამო ქვეყნის დატოვებაზე შეზღუდვა არ ამოქმედებულა. მათი ინფორმაციით, შეზღუდვა მხოლოდ უწყების მიღების შემდეგ მოქმედებს.

მიუხედავად ამისა, სოციალურ ქსელში გავრცელდა ფოტოები ლარსის სასაზღვრო გამშვები პუნქტიდან, სადაც ჩანს რომ რუსეთიდან უამრავი ადამიანი გადმოდის და ადგილზე დიდი რიგებია.

„ფოტოებზე ხედავთ, ამ წუთებში, ლარსის სასაზღვრო გამშვებ პუნქტზე, რუსული მხრიდან არსებულ გრძელ საცობს და გადატვირთულ მაგისტრალს. ათასობით რუსი ცდილობს რუსეთის დატოვებას და საქართველოს ტერიტორიაზე გადმოსვლას“, - წერს World Military/ანალიტიკა.

ასევე დაგაინტერესებთ👇

🔵„თვითმფრინავში ადამიანი ცუდად გახდა და სტიუარდები ექიმს ითხოვდნენ. კიკნა პირველი წამოხტა და მიიწევდა, მიმიშვითო“ - რას წერს ნათია ფანჯიკიძე

🔵„მეორადი ტანსაცმლის ფეტიში მაქვს - ფანტასტიკურ რამეებს ვყიდულობ და ბევრ თანხასაც არ ვხარჯავ...“ - ეკა ნიჟარაძე

🔵„ჩემს ცხოვრებაში ყველაზე დიდი მარცხი არის ის, რომ თავის დროზე ამ ქვეყანაში დავრჩი...“ - გიორგი ნაზღაიძე

წყარო: www.radiotavisupleba.ge