ქობულეთის შემოვლით გზაზე ავტოსაგზაო შემთხვევას 4 ადამიანის სიცოცხლე ემსხვერპლა.
ავარიის შედეგად დაშავებული 3 ადამიანი კლინიკაში გადაიყვანეს.
ერთ-ერთი დაღუპული კომპანია „ნეოტექის“ პიარი მარიამ დოხნაძეა, რომელიც ასევე მომღერალ მარიამ შენგელიას საუკეთესო მეგობარი გახლდათ.
მარიამ შენგელიამ სოციალურ ქსელში სამძიმრის წერილი გამოაქვეყნა, სადაც ამბობს, რომ ისინი ბავშვობიდან ერთად იზრდებოდნენ:
„ჩემი ბავშვობა. ჩვენი ერთად გატარებული დრო. მართლა ძალიან მტკივა. მშვიდად განისვენე ჩემო ანგელოზო. არ მჯერა და არასდროს დავიჯერებ. გპირდები სულ მემახსოვრები“, - წერს მარიამ შენგელია ფეისბუკ პოსტში.
ცნობისთვის, შემთხვევა გუშინ, 20 აგვისტოს მოხდა. ორი მსუბუქი ავტომანქანა ერთმანეთს შეეჯახა, რის შედეგადაც ორივეს ცეცხლი გაუჩნდა. ერთ მანქანაში მყოფი 4 ახალგაზრდა ადგილზე დაიღუპა.
შსს-ს პრესცენტრის ინფორმაციით, გამოძიება დაიწყო სისხლის სამართლის კოდექსის 276-ე მუხლის შესაბამისად, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას.
⭕ ასევე დაგაინტერესებთ:
⭕პრემიერ-მინისტრი მამუკა ჩარკვიანის გარდაცვალების გამო მწუხარებას გამოთქვამს
