გუშინ, 14 ივლისს, თბილისში, თევდორე მღვდლის ქუჩაზე კორპუსის ფასადი ჩამოინგრა.
უბედური შემთხვევის შედეგად 2 ადამიანი დაიღუპა, ერთ-ერთი კი 40 წლის დათო ბართიაა, რომელიც სამეგრელოდან, კერძოდ მარტვილიდან იყო.
დაღუპულის შესახებ სოციალურ ქსელში დარეგისტრირებული გვერდი „დედამიწის გარშემო“ ახალ ინფორმაციას ავრცელებს:
„ერთ-ერთი, ვინც ვაგზალზე ბეტონის ქვეშ მოყვა, 40 წლის დათო ბართიაა, რომელიც სამეგრელოდან, მარტვილის რაიონის, სოფელი ბალდიდან იყო.
უპატიოსნესი და უკეთილშობილესი ადამიანი ყოფილა. დედ-მამა არ ჰყავდა და ფიზიკური შრომით და წვალებით ირჩენდა თურმე თავს.
მხოლოდ და ჰყოლია, რომელიც შემთხვევის დროს იქვე იყო. საბედნიეროდ იგი გადარჩა“, - წერია გავრცელებულ ინფორმაციაში.
ასევე დაგაინტერესებთ:
⭕თბილისში, სადგურის მოედნის მიმდებარედ, შენობის ფასადის ჩამონგრევას მსხვერპლი მოჰყვა
