სამოქალაქო აქტივისტი გიგა მაქარაშვილი, რომლის ერთ-ერთი საქმიანობა ქველმოქმედების კეთებაცაა, სოციალურ ქსელში ხშირად წერს სახალისო პოსტებს. ამჯერად, მან 2019 წელს მომხდარი ისტორია გაიხსენა, რომელიც საზოგადოებრივ ტრანსპორტში გადახდა თავს.
„ავტობუსში 3 სტუდენტი გოგო უბილეთობის გამო მაგრად შეჯორა კონტროლიორმა. შემდეგ გაჩერებაზე შემოწმება იქნება და სამივეს მიგაჯარიმებენო, მეტის ღირსები ხართო.
გული ჩამეწვა, არადა 1,3₾ მაქვს ქეშად სულ.
გაჩერდა ავტობუსი ბოლო გაჩერებაზე და ის დამჯარიმებლები დგანან, მაღალი და სუსტი ქალი და დაბალი და მრგვალი კაცი. აკონტროლებენ ყველა კარს, თვალებით მსხვერპლს ეძებენ..
ჩავხტი ავტობუსიდან და მთელი ძალით გავიქეცი. ორივე გამომეკიდა, გაჩერდი, გაჩერდი, თორემ პატრულში დავრეკავთო.
კაი 100 მეტრი სირბილის მერე გავჩერდი.
ქოშინებდა ორივე საწყლად. ბილეთი ვაჩვენე. ატრიალეს ხელში, მზეზე გახედეს, დასუნეს და გაკვირვებულებმა დამიბრუნეს.
სამივე გოგო უჯარიმოდ მივა დღეს სახლში.
პ.ს. არ ჰქონდათ და რცხვენოდათ, თორემ უნდა გადაეხადათ, ამაზე არ ვდაობთ!
ეს ამბავი 2019 წელს, ამ დღეს მოხდა.
მაშინ მგზავრობა 50 თეთრი ღირდა“, - წერს გიგა მაქარაშვილი.
ასევე დაგაინტერესებთ👇
