„ეს არ არის მორიგი მედიკამენტი, ეს ახალი ფაზის დასაწყისია, სადაც ვირუსები ჩვენი მოკავშირეები ხდებიან, კიბოს წინააღმდეგ ბრძოლაში“ - რას წერს გიორგი ფხაკაძე

„გენმოდიფიცირებული ვირუსი სიმსივნის წინააღმდეგ: მელანომის მკურნალობაში ახალი იმედი.

მელანომის მკურნალობის ინოვაციური გზა — RP1 ვირუსი დღეს, ონკოლოგიური დაავადებები მთელ მსოფლიოში კვლავ სიცოცხლისთვის ყველაზე საშიში დიაგნოზად რჩება. განსაკუთრებით რთულად საჩერებელია მელანომა — კანის ავთვისებიანი კიბოს ფორმა, რომელიც ხშირად არ რეაგირებს სტანდარტულ თერაპიებზე. თუმცა, ბოლო კვლევამ, რომელიც 2025 წელს გამოქვეყნდა, ახალ იმედს აჩენს.

პაციენტები, რომელთაც უკვე ამოეწურათ მკურნალობის ტრადიციული შესაძლებლობები და ვისთვისაც მელანომა პროგრესირებდა, ჩაერთნენ კლინიკურ კვლევაში, სადაც სიმსივნეებში პირდაპირ შეუყვანეს გენმოდიფიცირებული ჰერპესის ვირუსი — RP1. შედეგი? 30%-ში სიმსივნე მკვეთრად შემცირდა, ხოლო ამ პაციენტთა ნახევარში სრული რემისია დაფიქსირდა.

როგორ მუშაობს RP1:

RP1 არ არის ჩვეულებრივი ვირუსი. ეს არის მეცნიერების მიერ ხელახლა “დაპროგრამებული” მექანიზმი, რომელიც სამიზნედ იღებს მხოლოდ კიბოს უჯრედებს და თან იმუნურ სისტემას ასწავლის, როგორ ამოიცნოს და გაანადგუროს სიმსივნე.

RP1-ის გენეტიკური ცვლილებები მოიცავს:

• დაშორებული გენი ICP34.5 – ვირუსი ვეღარ აზიანებს ჯანმრთელ უჯრედებს
• დაშორებული გენი ICP47 – იმუნური სისტემა აღარ “აბნევს”, პირიქით — მას ააქტიურებს
• დამატებული GM-CSF გენი – ბიძგი იმუნური უჯრედების მობილიზაციისთვის
• დამატებული GALV-GP R- გენი – უნარი, კიბოს უჯრედები ერთმანეთს შეერწყას და ვირუსი სწრაფად გავრცელდეს
  სამსაფეხურიანი შეტევა სიმსივნეზე

1. პირდაპირი განადგურება – ვირუსი კიბოს უჯრედში მრავლდება, უჯრედი სკდება
2. უჯრედების შერწყმა – ვირუსი უჯრედიდან უჯრედში ვრცელდება სისხლში შესვლის გარეშე
3. იმუნური სისტემის გააქტიურება – GM-CSF იზიდავს იმუნურ უჯრედებს, რომლებიც სიმსივნეს ახსოვთ და ებრძვიან

ეს აღარ არის უბრალოდ ვირუსი — ეს არის სიმსივნის საწინააღმდეგო სასწავლო მოდული ჩვენი იმუნური სისტემისთვის. იგი ჩვენს ორგანიზმს სთავაზობს ცოდნას, როგორ ამოიცნოს მტერი და არა მხოლოდ გაანადგუროს იგი ადგილობრივად, არამედ თრგუნოს მისი დაბრუნება მომავალშიც.

RP1 vs T-VEC: რას ცვლის ახალი თერაპია?

RP1 წინამორბედს — T-VEC-ს — აშკარად აჭარბებს მოქმედების დიაპაზონში. T-VEC გამოიყენება მხოლოდ კანის ზედაპირზე არსებულ სიმსივნეებში. RP1 კი ღრმად მდებარე წარმონაქმნებშიც აღწევს და იწვევს იმუნურ სისტემურ რეაქციას მთელ ორგანიზმში.

რას უნდა ველოდოთ?

ამჟამად მიმდინარეობს უფრო მასშტაბური კვლევა 400 პაციენტზე, თუმცა აშშ-ის სურსათისა და წამლების ადმინისტრაციამ (FDA) უკვე განიხილავს RP1-ის დაშვებას იმუნოთერაპიულ პრეპარატ ნივოლუმაბთან კომბინაციაში.

ეს არ არის უბრალოდ მორიგი მედიკამენტი. ეს არის მედიცინის ახალი ფაზის დასაწყისი, სადაც ვირუსები ჩვენი მოკავშირეები ხდებიან, კიბოს წინააღმდეგ ბრძოლაში“, - წერს გიორგი ფხაკაძე.

ასევე დაგაინტერესებთ:

🎥 „ცალსახად ალკოჰოლი და სიგარეტი არ არის კარგი ჯანმრთელობისთვის, მაგრამ უშლის თუ არა ეს ვარჯიშს ხელს? არა!“ - ნინო ჩერქეზიშვილის ფიზიკურ აქტივობაზე

⭕სალომე ჭაჭუა ზაფხულის ცხელ დღეებს აუზზე ატარებს - მოცეკვავე პიკანტურ კადრებს გვიზიარებს

⭕ორსული ქეთი წიქვაძე ზღვის სანაპიროზე გადაღებულ ოჯახურ ფოტოებს გვიზიარებს