მომღერალი ნინი ბადურაშვილი სოციალურ ქსელში ემოციურ პოსტს აქვეყნებს და მსახიობ დონარა გვრიტიშვილის გარდაცვალებას ეხმაურება.
იგი წლების წინ გადაღებულ კლიპსაც გვიზიარებს, სადაც იგი აწ გარდაცვლილ მსახიობთან ერთად მონაწილეობს.
„წლების წინ ეს კლიპი გაკეთდა საქართველოს რკინიგზისთვის, თუმცა გარკვეული მიზეზების გამო პროექტი გაჩერდა და კლიპიც უყურადღებოდ დარჩა..
არის რაღაცები რაც შეიძლება არ გამოვიდეს, მაგრამ დაგიტოვოს კარგი მოგონებები... სწორედ ასეთი ლამაზი და ნათელი მოგონება დამიტოვა ქალბატონმა დონარამ მისი უბრალოებით, სილამაზით და ბედნიერი განწყობით..
თანაგიგრძნობთ მთელს ოჯახს! ნათელში ყოფილიყოს მისი სული“, - წერს ნინი ბადურაშვილი.
ცნობისთვის, 23 ოქტომბერს 69 წლის ასაკში, საზოგადოებისთვის საყვარელი მსახიობი დონარა გვრიტიშვილი გარდაიცვალა.
ცნობილია, რომ გვრიტიშვილი მძიმე დაავადებას ებრძოდა. მან ხუთი წელი ამერიკაში გაატარა, სადაც სიმსივნე დაუდგინეს და მკურნალობა გაუწიეს. ორი თვის წინ სამშობლოში რეაბილიტაციის მიზნით დაბრუნდა.
ასევე დაგაინტერესებთ:
