„ქუჩის ბიჭების“ წევრის ირაკლი ნოზაძის ცოლი ია დუდაშვილი სოციალურ ქსელში ჰაერის დაბინძურების საკითხზე წერს და ბავშვებისთვის რეკომენდაციას გასცემს.
გარდა ამისა, იგი ბაღებსა და სკოლებს მიმართავს და განსაკუთრებული სიფრთხილის გამოჩენას სთხოვს:
„მიმართვა ბაღებსა და სკოლებს — ჰაერის დაბინძურების გამო:
ბოლო დღეების განმავლობაში ჰაერის დაბინძურება საქართველოში მნიშვნელოვნად არის მომატებული, განსაკუთრებით მყარი ნაწილაკების (PM2.5/PM10) მაჩვენებლების ზრდის გამო.
ეს პირდაპირ ეხება ბავშვების ჯანმრთელობას — მათ სუნთქვით სისტემას, იმუნიტეტს და საერთო მდგომარეობას.
ამიტომ გთხოვთ, ყველა ბაღსა და სკოლას განსაკუთრებული სიფრთხილე გამოიჩინონ შემდეგ დღეებში.
✅რეკომენდაციები ბავშვის უსაფრთხოებისთვის:
1. გარე აქტივობების დროებით შეჩერება
გთხოვთ, ბავშვები არ გაიყვანოთ ეზოში სეირნობის, სპორტის, ფიზკულტურისა თუ სხვა გარე აქტივობებისთვის, სანამ დაბინძურების მაჩვენებლები არ გამოსწორდება.
2. სველი წესით წმენდის გახშირება
კლასებსა და საერთო სივრცეებში სველი წესით დასუფთავება მოხდეს ჩვეულებრივზე ხშირად, რათა შემცირდეს მტვრის შიდა დაგროვება და ჰაერის გამღიზიანებლები.
3. ფანჯრების გაღების შეზღუდვა
ჰაერის დაბინძურების პიკის პერიოდში ფანჯრების გახსნა არ არის რეკომენდებული, რათა მავნე ნაწილაკები შენობაში არ მოხვდეს.
რატომ არის ეს მნიშვნელოვანი?
ბავშვები ჰაერის დაბინძურებაზე ყველაზე მწვავედ რეაგირებენ. ამ დღეებში შეიძლება გაუარესდეს:
•ხველა
•თვალებისა და ცხვირის გაღიზიანება
•ქოშინი
•ალერგიული რეაქციები
•დაღლა
ჩვენი საერთო მიზანია, რომ ჩვენს შვილებს ჯანმრთელობა და უსაფრთხო გარემო შევუნარჩუნოთ.
მადლობას გიხდით ყველა ბაღსა და სკოლას ზრუნვისთვის, ყურადღებისთვის და თანამშრომლობისთვის.
თანამედროვე რეალობაში ასეთი ნაბიჯები არის ყველაზე ეფექტური პრევენცია.
ოფიციალური სტრუქტურები რომ არ აფრთხილებს ამის შესახებ მოსახლეობას და არაფერს აკეთებს პრევენციისთვის-დანაშაულია!“, - წერს ია დუდაშვილი.
ასევე დაგაინტერესებთ:
⭕„სიმშვიდე + ნათელი განწყობა = სწორი დასაწყისი“ - როგორ შევხვდეთ ენერგეტიკულად დატვირთულ 2026 წელს
