შპს „ელვამ“ პურის შეფუთვაზე ჭარბწონიანი ქალი დაახატა და მას ხაზი გადაუსვა. აღნიშნული საკითხი სოციალური ქსელის მომხმარებლებისთვის გამაღიზიანებელი აღმოჩნდა და წერენ, რომ ეს არის ბულინგი. ისინი კომპანიას მარკეტინგს უწუნებენ და საჯაროდ აპროტესტებენ.
„რას ჰგავს ეს საქციელი? „ელვა" (ვერ ვიპოვე აქ რომ მომენიშნა) გასაგებია ყიდი დიეტურ პურს, მაგრამ ამ ფორმით? ვფიქრობ, არასწორია თან ქალი რომ დაუხატავთ, თან საცვლებში ვითომ მამაკაცები არ იცავენ დიეტას.
ამით კიდევ რას გაუსვით ხაზი, რისი თქმა გინდოდათ ? ამ მიმართულებით ბულინგზე ბევრს არაფერს დავწერ - აი, მაგალითი .
რით ვერ შეეგუა ეს ხალხი რომ, ზოგი იმ წონისაა, ზოგი ამ წონის.
პ.ს. თუ ვინმეს გყავთ „ელვა"-ში ნაცნობი გადაეცით, რომ ეს არაა მარკეტინგი და ამით მხოლოდ მომხმარებელს შეურაცხყოფს.
პ.პ.ს თუ დიეტური პურის შეფუთვის იდეების ნაკლებობას განიცდით, შემიძლია 1-2 ღერი ფსიქოლოგიური ხრიკიც მოგახსენოთ“, - წერს თათია ახვლედიანი.
„აგერ ააა, შპს „ელვა”- მ ღიპიანმა ქალებმა არ ჭამოთო, უფრო მეტიც, ხაზი გადაგვისვა (ბარემ ყველამ ერთად მიჩივლეთ).
ისინი არ გვაცმევენ, ამათმა ჭამა აგვიკრძალეს და ბარემ თავი ხომ არ მოგვეკლა ყველას ერთად?!
„არ ასუქებს” მეტად კორექტულად რომ გადმოგეცათ არა?! მაგრამ, ჩვენ ხომ საქართველოში ვცხოვრობთ და განათლების პრობლემა გვაქვს, მარკეტინგზე აღარ ვისაუბრებ, ისევ მადლობა და ნახვამდის“, - წერს გვანცა მაღლაკელიძე.
ასევე დაგაინტერესებთ👇
